التية

سكتنا لو عاندتنا عانكملها

اغنية غنيناها من اولها لاخرها

و تخلص نقولها من اولها

و نعيدها تاني لحلاوتها

مش عايزين نظلم السكة

و ناخدها حجه

دى حجه فجة



احنا عايشين في دنيا

و سكه الدنيا مش مفروشه ورود

دي كلها قرود

و كلها سدود

و بدل الكلاب اسود

حتى اسئلي الجدود

اسئلي اصحاب الاخدود

اتعذبوا بنار و وقود عشان رفضوا السجود للطاغية الجبروت

فلازم نتوقع ان الطريق مسدود

تحبي اوصفلك السكة

السكه دي متاهه

غلب و مات الاف العشاق وياها

و داقوا غلبها و شقاها

و اطحنوا برحاها

انطونيو حب كيلو باترا

و ريحاتها العطره

قال ما فيش للمتاها الا انا

و السكه خمره و غنا

اكتشف

انها عنا

روميو و جوليت من عيلتين متخانقين

فماتوا في المتاهه مسمومين

قيس و ليلي كانوا قرايب

اتجنن في المتاهه وسط العقارب

لكني شاركت في بناها

و رسمت كل طوبة في بناها

و على جسمي حفرت شوارعها



انا اللي بنيت المتاهه

و انا اللي اخرجك اياها

انا اللي بنيت حواريها

و انا اللي كهربت اسوارها

و انا اللي حطيت الميناتور جواها

حطي ايدك في ايدي

من غيري

هتفضلي في التية اربعين

جرح و الم و حنين

و قلبك في صدرك سجين

اوردتك تعزف عزف شجين

استني لما اجيب الزاد

الزاد مش سمك و لحمة

الزاد مودة و رحمه

و عليكي بالطاعة و عليا بالتقوي

و اياكي و الشكوي

من هنا امشي انا قدام

و خليكي ورايا

خايف عليكي من السهام

السهام طايشة

للدماء عاطشة

و ادي اخر المتاهه

عدينا كل الحيطان

و كل البيبان

الا واحد

عشان تخرجي من التية و التوهان

لازم قربان

يتصلب انسان

على الحيطان

فاكرة لما اتفرجنا على تايتنك

انا قولتك

روحي فدي رموش عنيكي

عشان انتي امنتيني عليكي