رسالة من حبيبتي سابقا

عمر

يا اصيل

نسيت الزمن الجميل

و السهر و المواويل

و الليل لوحدك طويل

و معايا بيطير

بعد ما حبتني و عشقتني

ليه هجرني



و خنتني

ايوة خنتني

عشان كل ما تشفنني

تشوفني لابسه اسود

و هيه لابسه ابيض

كنت قلي

عندي فستان ابيض

بلبسه لما امرض

كنت فاكراك مبتحبهوش

فملبستهوش

و لا علشان مش فاهمه انت عايز ايه

بس ما تنكرش اني بعملك كل اللي بتقول عليه

و لا بسئل ليه

و عشان اية

حبايبي كثير بس انت اللي هاممني

و انت اللي فاهمني

و لما بتعب بتعالجني

و تحايلني

فاكر و لا ناكر

ما انت قادر

فاكر لما كنت بتقعد بالساعات عينك عليا

ترسم عليا

و تسيبني تفكر فيا

وقتك كله ليا

شغلتك عن كل البنات

تنسي كل اللي فات

كل الهدايا و الحاجات

و تسيبني من سكات.

كنت بحط على وجهي

خطوط الماك اب

زي ما بتحب

هنا احمر

و هنا اخضر

و ازرق بيتمخطر

و اي لون بتحب وبتفكر



ناسي عقدك اللي اهدتني

و في رقبتي الجميلة لبستني

سبع لؤلؤات بيهم جننتني

ابيات شعر اتحفتني

جننتني و بحبك اشعرت بي

و كل بيت كان بابه

حرف من اسمك و اسمي في قلبه

اتلخبطت حروف اسمي بأسمك

نسيته

.

حبيبتك نسخة الاتوكاد

التى تركتها من اجل نسخة ريفيت