سهرة مع الشيطان

سألتني كنت فين امس
غامزه بعينها يا نمس
لا اتصال منك و لا حس
عارفه مع مين سهران
سهران مع الشيطان
شافني زعلان محتاس
نصحني بشرب بالكأس
افتاني في حكم الشرب
محرمة لمن يعبها عب
حلال قليلها لمن حب
عمال يغريني بكاسان
حتى وقع سكران
و همم بخطط و هزيان
عن ضرب الاخوان
في السلفيين يا مان
و كلمه من العريان
طلقة في المليان
و رد عليه يا جبان

قاللي عارف مصيبتكم
في تلات كلمات صابتكم
الغباء
البغاء
الغناء
العرب عاملين مسابقة
و الفايز له مكأفأه
احسن واحد لهذا العام
و ألمكأفاه اعدام
فاكرين قطز و حكايته
فاكرين نهايته
مات برجالته
و ناجي العلي الرسام
فهم اخسن من الحكام
فاستحق الوسام
ضرب نار و اعدام
في ميدان عام

فاز بها البنا
فرح و اتهنا
بدمه اتحنى

و نتريق علي المشايخ
ده بيخرف و شايخ
و نتريق علي الاخوان
و نقول عليهم خرفان
مزه و خمر
تجعل احفاد عمرو
بلا نهي و لا أمر

و معايا الاعلام
شغل و لا الاحلام
هاشوه كل شريف
هجيب كام حريف
يقولوا كلام تخريف
و كام فيديو توليف
و مونتاج و تأليف
ده شئ مخيف

و هننشر الاضرابات
و فكرة الاعتصمات
و ما فيش سكات
السكات مات
هنقول للظلم لا
و هنقول للحق لا
و هنقاطع الانتخابات
و نوقف الاستفتائات
و نهيج الولاد و البنات
و الرجاله و الستات
يحرقوا المقرات
و ينهبوا المحلات
و اشتبكات
ننتقم للي مات
دي شعارات

من النهاردة ما فيش فرعون
كلنا فرعون

و ما فيش احمد عز

كلنا قارون