ايوة موجود

التلفزيونات

و الراديوهات

و المجلات

و الرجاله و الستات

و البنات اللى على الشات

سابوا الاغاني و الكليبات

و الافلام و المسرحيات

و قعدوا يتابعوا المحاكمات

محاككمة رؤوس الفساد

استنينا المفاجأت

و التصريحات

و أسرار السياسات

و كل اللي سمعناة "افندم انا موجود"



و كل اللي عرفناة

و كشفناه

انه محمد حسني السيد

ده شئ جيد

^^^^^^^^^^^^^^^^^^^^^^^^

بتفرج على المحكمة

شفت مهزلة

مات مات من زمان

امال في كأس افريقيا

مين باس سوزان

و مين اللي ضرب الميدان

و مين سجن العريان

و مين اللي ساب الميدان

للامريكان

هتسوقوا فيها الجنان ؟؟؟

$$$$$$$$$$$$$$$$$$$

لما شفتك في القفص

شفت اسد

ايوة أسد

واقف جنب سريرك

مستني يعرف مصيرك

لو اتحكم بأعدامك

ينول شرف اعدامك

لما شفتك شفت ابويا

مات قدامي على السرير

من حصرته على أخويا

اخويا مات في العبارة

و جاري خريج ادارة

شغال مبيض محارة

و جارتي بتبكي على الولد

ابنها اخر ما زهق

ساب البلد

مره صعبت عليا

كانت هتفر دمعه من عنيا

كنت هقول يا حرام صعبان عليا

صرخ الحرام

قاللي دة وش اجرام

افتكر اللي ماتوا على اديه

سيبهولي و هيكون عبرة للي هيجوا بعدية

قلت الرحمة

الرحمه قالت : الرحمه للي مات في الزحمه

للي مشفش شكل اللحمه

الرحمه نولع فحمه

و ناكله كل شوية فحمة

دي بالنسبة ليه رحمه

طب افتكروا رجل السلام

رد راجل غلبان

انا السلام

بسببه بقيت رمز للخزي و الاستسلام

بطالب برد شرفي

بطالب بأعدام

%%%%%

شفت  خالد سعيد

بس مكانش سعيد

هو لسه فيه تأجيل و تجديد

عاز ابرد في قبري

هو سبب قتلي

و قتل اللي قبلي

هو و العدلي

طب ليه يتحاكم مدني

%%%%%%%%%%%%%%%%%%%%%

التعلب فات فات

و في ديله سبع بلحات

و انت يا ابو التنحات

حاكمنا ثمن فترات

و مرجعنا للظلمات

اعمالك  سجون معتقلات

و تعذيب دة غير اللي مات

خليت شعب شحات

********************

سمع بارك الكلام اتقمص

حط رجل على رجل و انجعص

و قال برضك ما وقفتش جوا القفص

القصيدة لم تكمل بعد , متنسوش اننا في رمضان و الواحد مش لاقي وقت يقعد على الجهاز

ان شاء الله في اقرب وقت