لا تسامح
لا تسامح
و لو رأيته على السرير
و قيل شيخ كبير
و تذكر شهداء التحرير
تذكر الدمع الغزير
من امهات
على اولاد و بنات
كان ليهم احلام و امنيات
امنيات بسيطة
امنيات عبيطة
اللي بيحلم بوظيفة
وظيفة شريفة
بيحلم بمرتب خمسمية جنية
كده يبقى بيه
جت الاوامر
للعساكر في الميدان
بالضرب في الميدان
لا تسامح
و لو ابلغ المحامي في العبارة
و تذكر غرقي العبارة
لا تسامح
و لو قيل نحن في رمضان
شهر المغفرة و الاحسان
و هذا شيخ فان
عشان خاطر سوزان
و تذكر قتله للشبان
تذكر مرضي السلطان
لا تسامح
و لوقيل في عمر ابوك
ده زي ابوك
لو سرقت رغيف كانوا سابوك ؟؟
رحموك
كانوا جابوك
و عذبوك
و علقوك
لا تسامح
و لو بكت امك من المنظر
و قل لها تتصور
انك مت برصاصة المتفجر
لا تسامح
و لو قيل رأس برأس
فقد قتل الف رأس
و مليون رأس
و عذب مليون رأس
و شغلنا بالموسيقى و الرقص
لا تسامح
و لو تنازل عن الذهب
فنظرات الشهدا لهب
و ذكرياتهم شهب
و القضية مش قضية ذهب
قضية شباب من ذهب
شباب ذهب
لا تسامح
و لوقيل عدي الثمانين
ما احنا من سنين
و تعبانين
ريحلك حبتين
كفاية بوظت البلد
و الولد
شقاينين
طهقانين
غلبنين
يرد منتوه كتير اجبلكم منين ؟؟
يا ريس مش لاقيين الرغيف
و نايمين على الرصيف
شتا و خريف
يرد الظريف
كلوا منين
بقى ده يتحاكم بقوانين
عارفين اللي عملها منين
و اللي مفصلها مين
هيطلعوا الحرامي امين
و مين اللي قال مبارك استقال مين ؟؟؟
اهالي الشهدا هما اللي ظالمين
لازم يتعدموا مرتين
فريد الديب طلب طلب مريب
طلب الف واحد للشهادة
مش عشان فلسطين
عشان قضية زفت الطين
كدة القضية فيها عشر سنين
يكون ادفن في الطين
و ما اخدناش التار للثوار
لاتسامح
و لو قيل كفاية شفتوة ورا الحديد
عشان خاطري سيبوه لام شهيد
و هي هتخلص القديم و الجديد
و تنهي عمره المديد
لا تسامح
و تذكر
ان كل من مات
كان له امنيات
حرمته اياه بنادق سخيات
بأوامر صاحب السلطات
كان وراه مشاوير
رايح يجيب العيش
و يجهز ورق الجيش
كان حلمه يعيش
في ثانية الحلم مافيش
من الاشياء التى كانت مفاجئه لي شخصيا ان اري ان احد الاشعار التى كتبتها قد نشر فعلا في احد الجرائد المصرية "المصري اليوم " و نشرت منذ عام تقريبا ١٤/ ٨/ ٢٠١١ http://today.almasryalyoum.com/article2.aspx?ArticleID=307179&IssueID=2227
ردحذف