التسميات

مصلوب




مصلوب انا فكيني

ملعون انا ادعيلي

سهران عشانك سنين

و يوم فرحك تنسيني

و تهيني

و بوكية الورد الابيض

رفضيته

و طلبتية احمر

طليتهاحمر بدمي

نزل عليه الندي

قطرات من دمعي

خيروني بين موت و حياة



كنت شابا و لي جاه

شفتك بتموتي على الطريق

فلبي تاه

حاولت اسعفك

قالولي معاكش الدكتوراة

ماانتاش طبيب

لو ماتت هتموت على الصليب

و انا ما ليش في الطب

لكن عندي قلب

فاخترت الحياة

قلت اصلب

خلاص خلاص

ما فيش خلاص

غير بصلبي على صليب من الرصاص

هو ده القصاص

يا بن الزبير

يا بن الصدق و الكرم

اختر المبيت بالحرم

رموا الحرم بالطوب

كانت الشهادة عروستك

و هي اغلى مطلوب

تبات ساجد و عدوك يبات مغلوب

و في الاخر تموت مصلوب

عرضوا عليك تبقي وزير

او امير

و يكون لك بيت و سرير

من الحرير

عرضوا عليك الجاه

عرضوا عليك تكون شاه

او تموت كالشاة

اخترت موته اباة

يصلبك الحجاج

و يطوف حولك الحجاج

يا تري حجكم رفض و لا مقبول

و يا تري حججكم

هتنفهكم و ل هتتحاسبوا على المقتول

يا حفيد الصديق

فك عني الضيق

عايز اكون لك صديق

و اصلب جنبك

ما انا كده كده مصلوب

اصلب في حرم الله

و لا في نقابه المحاماه

و لا في دار القضاة

المهم رضا الله

طلب المحامي الكلام

قلت هاخذ براءه يا سلام

طلب لي الاعدام

المدعي حس بالانسجام

قاله قول كمان دانتا حبيب

قال يصلب على الصليب

و يتلعن من كل قريب

زي ما هو مكتوب

في العهد القديم

يا بن الزبير

يا زاهد يا كبير

مين ده المصلوب جنبك

حبيبك و لا ابن عمك

ده خبيب بن عدي

من الانصار

صلبه الكفار

ينفع اصلب جنبكم

طالب قربكم

يشفع لي حبكم

و حب النبي المختار

انا كان لي صولات

و جولات

و مره من المرات

انكسرت

فذاعتها الاذاعات

و خد و هات

و اتبروا مني يوميها تلات مرات

و باعونى و كتبوا اسمي في دفتر المبيعات

مصلوبين

احنا الثلاثة مصلوبين

اثنين شرفاء والناس واثقين

و الثالث انا شاكين

حرامي و لا امين

مكان صلبي مزار للناس

و اشعاري لهم مداس

منهم جاسوس خاباص

و منهم رسام بيرسمنى على الكراس

و انا فاتح ذراعي لكل الناس

حواليا عسكر و حراس و

قافلين الميدان بالترباس

عشان الكبير عباس

قام و شاف في المنام

اني هاصحى بعد ثلاث ايام

هو ده اسمه كلام ؟؟

سمعت صوت الديوك

قالوا لي يا ملك الملوك

و لبسوني تاج من شوك

انا ملك و لا مملوك

اشمعنى انا لوحدى اللي انصلب

عشان ابوك هنا سابوك

لو ماكنش ابوك كانوا سابوك

بتثبتوا ذراعي بمسمار ؟؟

فكرني هاجري زي الفار ؟؟

انا واقف فاتح ذراعي للزوار

بحيي  الثوار

انا حر من الاحرار

ليه تطلوني بالقار

صلبوني عشان بحبك

و لسه بحبك

و هافضلك احبك

و انده باسمك

مش نادم اني وقفت جنبك

الدكاترة بيقوا عايزة نقل دم

متشيليش هم

بسرعه يا حراس

هاتوا الفاس

اكسروا رجلي

خلي دمي

يمشي جوا دمك
لسمعاها صوتا

http://www.4shared.com/audio/RjpToGm5/maslob.html



Related articles

إرسال رسالة إلكترونية
التسميات:

تعليقات

إرسال تعليق

المشاركات الشائعة