متفائل
متفائل علي اية معرفش
بس متفائل
يمكن عشان ريسنا لاهو حرامي و لا قاتل
يمكن عشان ما فيش بيننا و بين الحرية حائل
غير شوية ضباب و الضباب زايل
متفائل اننا نعدل كل شئ مايل
سيبك من الكئبب و دعاة التخريب
و محترفي النحيب
و تعال نتفائل
فاكرين لما كنا ايد واحدو بتقاتل
عايزين نرجع ايد واحدة بتحاول
تبني علي كل المحاور
متفائل زي ما ربنا خرج مرسي من السجن للكرسي
نخرج من الغم للعرسي
و نقود الامم روم و فرسي
متفائل
اننا نفهم كليلة و دمنه و التلت خرفان
اننا نتحد ضد عدونا ايا ما كان
وعدونا مالهوش بينا مكان
و لو جه يساعد اخ علي اخوة ناكلة
و ناكل اللي جابوة
متفائل
ان التاريخ مايبقأش كله توبيخ
و زعيق و صريخ
و ضرب بالصواريخ
متفائل يبقي فيه سطرين تفاريح
متفائل ان السياسة الداخلية تكون بين احباب
بين اصحاب
مش بين كلاب
مشاكلنا تتحل من غير سباب
من غير ضوافر و انياب
المنصب مش لحمة بين الدئاب
دي مسؤولية يوم الحساب
متفائل
ان مافيش فينا جعان و لا مهان
متفائل مفيش جرائد بتكدب
و المصري علي اخوة بتقلب
عشان تبيع و تكسب
و الحصاله تحسب مش مهم البلد تخرب
متفائل ان ما فيش حد يتقتل
او يتسحل
و اللي يعمل كده يتحاكم و يتسئل
و المذنب نعمل فيه زي ما عمل
و شرع ربنا يتعمل
متفائل
و مش معايا مصباح علاء الدين
اننا نستفيد من المسجونين
نعلمهم صتعة و يبقوا حرفيين
نجارين و حدادين
يكسبوا غداهم بعرق الجبين
متفائل اني ما اشفش قناة التيت
و لا اشوف اعلان تترقص فيه بت
و لا يستغلوا جسد الست
متفائل شعري يتنشر
بين المقالات يتحشر
يقراها واحد كشر
يتفائل و كدا يبقي شعري انتصر
عمر سليم
تعليقات
إرسال تعليق