نظارة و اتكسرت



جميلة و صاحبتني
بعنيها شوفتني
من الخطر خوفتني
و دلوقتي فارقتني
لازم ارثيها
و بالشعر اهديها
محبتنيش
متكدبيش
كل يوم
عينيك في عيني
و ايديكي الحلوين
لراسي تضمين



نظارة و اتكسرت
بلورة و اتشرخت
بوصلة و انحرفت
خريطة و اتمسحت

وانكسرت النضارة
رمر الخضارة
يا ميت خسارة
و رجعت سنين ورايا
مبعرفش القرايا
و شارعنا الصغير
عليا انا بيتكبر
خلاني متحير
مش شايف له نهاية
بيلعب معايا استغمايها
الشارع الصغنون
كان عليا حنون
ليه بقي مجنون
عايزني فيه مسجون
تايه في الشوارع
ده ضابط و لا بايع
سواق و لا تابع
محترم و لا صايع
بنت و لا ضايع
خلاص مفيش وشوش
و الوش البشوش
خلاص كله فشوش
ده شئ ما احبوش
يا تري هعرف اروح
و لا هافضل اطوح
نفسي الاقي مطرح
اقعد فيه و افرح

عمر سليم

تعليقات

إرسال تعليق

المشاركات الشائعة