نقابة الرسامين الهندسين

ما رايكم بهذه الفكرة





لقد طرحتها اخونا الاستاذ احمد سالم مشكورا

فما رايكم و اقتراحاتكم ؟؟؟؟

لن اطرح ما لدي حتى لا اشوش عليكم

اريد ارائكم و افكاركم “عشان اسرقها!!”



(مادة 56 من الدستور المصري) تنص على


انشاء النقابات والاتحادات على أساس ديمقراطى حق يكفله القانون، وتكون لها الشخصية الاعتبارية.

وينظم القانون مساهمة النقابات والاتحادات فى تنفيذ الخطط والبرامج الاجتماعية، وفى رفع مستوى الكفاية ودعم السلوك الاشتراكى بين أعضائها وحماية أموالها.

وهى ملزمة بمساءلة أعضائها عن سلوكهم فى ممارسة نشاطهم وفق مواثيق شرف أخلاقية، وبالدفاع عن الحقوق والحريات المقررة قانونا لأعضائها



هل هناك امكانية للنجاح؟

هل توافق على الفقرة ام ترفضها ؟؟؟

هل ؟؟

بالنسبة لي خريج تجارة و يمكن الاشتراك بنقابة التجارين  و لكن ماذا عن باقي الرسامين؟؟

و لماذا اشترك في نقابة لا انتمي فكريا اليها ؟؟
إذا الشعبُ يوماً أرادَ الـحياةَ فلا بدَّ أن يستجيبَ القـدرْ
ولابـدَّ للّيـلِ أن ينجـلي ولا بـدَّ للقيـدِ أن ينكسـرْ

بانتظار تعليقاتكم

بدايتنا هذه الصفحة و مجموعتنا على الفاس بوك

http://www.facebook.com/group.php?gid=80675016920&ref=mf

اذا استمتعت بهذه التدوينة , اشترك في تغذية خلاصة الموقع  الخاصة بي

تعليقات

  1. سمعت ان العدد اانصاب القانوني لأي نقابة بيكون 50 عامل في نفس المهنة
    ايه رأيك من خلال صفحتك ومن خلال المواقع الهندسية اللي بيتردد عليها الرسامين نعمل اعلانات ومواضيع نتكلم فيها عن الفكرة وممكن كمان نحط اعلانات في نقابات المهندسين
    المشكلة اني برة مصر لكن ياريت تشوف محامي كويس من أصحابك ( انت خريج تجارة يعني كان ليك أصحاب في حقوق )
    اسأله عن الخطوات والشروط والتكاليف ولما تعرف كل المعلومات ياريت تبعتلي ونقوم انا وانت بعمل اعلانات واللي عايز ينضم لتأسيس النقابة عليه انه يبعت توكيل للمحامي اللي انت جبته ولما تتأسس النقابة انشاء الله هنتحاسب وكل واحد هياخد حقه وأنا هحاول أساعدك على قد ما أقدر

    ردحذف
  2. معلش أنا عارف اني ممكن أكون رغاي بس احنا ممكن نزود عددنا باننا نعمل نقابة مش بس للرسامين احنا نوسع مجالها بحيث انها تجمع بين كل العاملين في مجال الكمبيوتر ومش متخرجين من كليات حاسب الي زي مصممين المواقع و متخصصي الفوتوشوب اللي بيشتغلو في شركات الدعاية واستديوهات التصوير ومدخلي البيانات والمبرمجين اللي أخدو دورات واتعلمو في مراكز تدريب
    أنا الحقيقة مش لاقي اسم لنقابة تجمع دول كلهم بس احنا لونشرنا الفكرة انشاء الله هنلاقي استجابة وزي نقابة المهندسين فيها تخصصات احنا كمان يكون عندنا تخصصات
    ايه رأيك

    ردحذف
  3. ملحوظة أنا كمان ممكن أشترك في نقابة الاجتماعيين خصوصا اني اشتغلت أخصائي اجتماعي لمدة 3 سنين بس أنا مش عاوز أكون عضو في نقابة مش بزاول مهنتها وأساسا مبحبهاش

    ردحذف
  4. برغم اني مش ممارس للرسم الهندسي بشكل محترف في مكتب او شركة الا اني احب اقول رأيي في موضوع انشاء نقابة للرسامين الهندسيين، بصراحة الفكرة دي كويسة جدا وفرصة جميلة عشان نعمل كيان موحد للعاملين في المجال ده.
    طبعا في مزايا كتير لانشاء اي نقابة عموما زي رفع مستوى الاعضاء على المستوى المهني ، معاشات - تامينات .. الخ
    واكيد طالما الناس بتتعاون على الخير يبقى ان شاء الله ربنا هييسر .
    ابدأوا تعريف الناس عن طريق الاعلانات والانترنت وهتلاقوا ناس كتير ، وانا معاكوا.

    ردحذف
  5. محمد احمد شوقي1 مايو 2009 في 10:58 م

    فكرة النقابة فكرة كويسه وانا مع الفكره ولكن بالفعل توجد نقابة التطبيقيين اللى المفروض ان الرسامين اللى متخرجين من معاهد سنتين او مدارس خمس سنين منضمين اليها
    فى الحقيقة مش عارف هل هذا يعتبر تضارب او تكرار لنفس الشئ ؟ انا مش عارف اذا كان اى رسام خريج اى كليه تجارة او اى دراسه تانية ممكن يشترك فى التطبيقيين او لأ ؟
    جرب واسأل عن الموضوع وانا حتابع معاك الموضوع وبصراحه انا اتمنى ان الرسامين و مصممين المواقع و متخصصي الفوتوشوب يكونو مستقلين بنقابة تخصهم

    ردحذف
  6. فكرة ممتازة
    فقد يكون هذا الموضوع نواة حسنة فى انشاء نقابة للرسامين الهندسيين
    اما اذا كان الموضوع يبدا بخمسون رساما
    فالامر سهل فهناك من هم اكثر من ذلك
    ويريدون تنفيذ هذه الفكرة وانا اولهم
    ارجو من كل رسام ان يبدا ويبادر معنا فى تنفيذ هذا الموضوع

    ردحذف
  7. رضا فوزى حسيب1 مايو 2009 في 10:58 م

    ارى ان فكرة نقابة للرسامين فكرة تستحق الاهتمام والعمل على انشائها ؛ خاصة ان كثير من الرسامين غير حاصلين على مؤهلات صناعية مثل خريجى التجارة والحقوق والاداب وغيرها ؛ هم بالفعل لا يستطيعون الاشتراك فى نقابة التطبيقيين ؛ وهم يعانون من ذلك كما انه لايخفى على احد المزايا المختلفة للنقابة
    وانا ساقوم بدوري بنشر الفكرة بين زملائى الرسامين .
    والله الموفق .

    ردحذف
  8. السلام عليكم

    لقد فكرنت في الامر من قبل
    و ها انتم بداتم فيها


    انا معكم و ساجمع لكم عدد لا باس به

    اولا ما هو المطلوب منا

    اخوكم
    حسن العسوس

    ردحذف
  9. علينا معرفه ما هى الجهه المختصه بتسجيل النقابات
    و معرفه كل شروطها و استيفائها
    و نشر الفكره بين الرسامين الهندسيين
    و الله الموفق

    ردحذف
  10. ان شاء الله اذهب الى نقابة التطبيقين في العباسية و اشوف اذا كان ممكن الاشتراك بها ام لا

    ردحذف
  11. عمرو فوزي (كراون هوم -كهرباء)21 مايو 2009 في 2:14 ص

    السلام عليكم يا استاذ عمرو
    موضوعك جميل وجيد والله
    وياريت يفعل
    احنا محتاجين لموضع زي دا
    شد حيلك

    ردحذف
  12. حسين محمد حسين25 مايو 2009 في 11:09 ص

    فكرة النقابة شئ كويس
    بس عايزين نعمل فيها اختلاف عن النقابات الاخري
    مثلا نعمل فيها فرع للبحث عن وظائف في شركات كبري و تسهيل التعيين في هذة الشركات
    فكرة اخري نعمل دورات تقوية للرسامين المشتركين للتقوية من مستوياتهم
    دي بعض من افكاري ارجو البحث فيها
    و شكرا

    ردحذف
  13. من اراد أن يصدر بطاقه شخصيه بان رسام هندسى يتصل بى

    ردحذف
  14. أحمد رمضان أبوضيف1 يونيو 2009 في 1:44 م

    واجهتني مؤخرا العديد من المشاكل وأدركت الآن الحل
    وهو أن أنضم الى نقابة ترعى مصالحي و تنفي عني صفة
    الرسام الهندسي المشرد بلا نقابة لأني حاصل على مؤهل عالي
    وكأن المؤهل العالي أصبح عقبة في حياتي ولكن في وجود هذه النقابة
    سوف أرتاح في تعاملاتي التأمينيه ومن ثم السجل المدني و الجوازات و غيرهم
    فالله معك ياعمرو ومن بعده نحن الرسامين من ذوي المؤهلات الغيرمتخصصة في الرسم أو المتخصصه
    والله معك

    ردحذف
  15. فكرة رائعة

    ردحذف
  16. ايهاب عاشور18 يوليو 2009 في 4:55 م

    مية مية يا ابو عمر ربنا يعينك
    نحتاج الترتيب والتنظيم
    والهيكل التنظيمي للرابطة في البداية ومن ثم النقابة
    وكلنا معاك يا ريس

    ردحذف
  17. محمد العوضي3 أغسطس 2009 في 4:01 م

    الموضوع جيد المهم ان تكون خطوط التنفيذ صحيحة مع العلم لابد من وضع شروط فى انضمام الي النقابة وهي تحديد سنوات الخبرة والتى لا تقل عن خمس سنوات وطرح الاسئل والاجابة وما هو كل جديد فة الموقع التابع الي النقابة ووصع السرة لاعضاء النقابة

    ردحذف
  18. السلام عليكم

    و انا مع الفكره
    والله المستعان

    ردحذف
  19. فكرة ممتازة وأنا بضم صوتى إليكم وأن أعمل بشركة بها حوالى أكثر من 50 رسام وهم على استعداد للوقوف بجانب الفكرة
    ربنا معاكم وبالتوفيق إنشاء الله

    ردحذف
  20. السلام عليكم ورحمة الله وبركاته

    ياجماعه بجد ماشاء الله لا قوة الا بالله على الفكره

    انا اول مره اقرا عنها وان شاء الله تتم باذن الله

    وهتابع مع حضراتكم ان شاء الله

    ردحذف
  21. الفكرة جميلة جدا لو نفذت

    بس انا عندي سؤال انا محاسب بس نفسي ادخل مجال الرسم الهندسي وابقي رسام هندسي بس مش عارف أدخل ازاي وأية الكورسات اللي تأهلني لذالك وهل وظيفة الرسام الهندسي ممتعة ومش معقدة وماهي رواتبها أتمني احد يرد عليا ضروري لأني بجد حابب ادخل المجال ده

    انا لاقيت أعلان في جريدة بيقول نؤهلك للتعلم مهنة الرسام الهندسي واتصلت بيه لاقيت انه مكتب هندسي وقالي احنا هنعلمك ترسم علي البرنامج وبعدين ازاي تعمل الرسم علي بروجيكت فياريت حد يفدني ويرد عليا ضروري ولا أخد كورس أتوكاد وخلاص في القوات المسلحة او اي مركز محترم بس عايز افهم الفرق بين اني اتعلم الرسم علي البرنامج وأني اعمل مشروع علي البروجيكت وشكرا

    ردحذف
  22. على فكرة انا من مؤيدين الفكرة وارجوا من الجميع الاتحاد للوصول لهدف واحد وعدم الاستهتار بالفكرة

    ردحذف
  23. فكرة جميلة وأنا بأيد الموضوع بس لازم يكون في خطوات فعلية
    أنا شغال في نفس المجال

    ردحذف
  24. بسم الله الرحمن الرحيم
    ياجماعة الكلام ده كويس جدا بس انا ليا راى بما انى رسام بقالى 12 سنة يجب اعتماد الرساميين واخضاعهم لشروط وعدم خلط هذه المهنة باى تخصص اخر غير القناة الموضوعية لها وهو الاطار الهندسى فيجب ان تنبثق من نقابة المهندسيين لكى يكون لقيدها اساس اكاديمى وادبى انا من الممكن ان اقوم بعرض هذا الموضوع وطرحه بنقابة المهندسسين على ان يكون الاعتماد والتوثيق منها برجاء ممن يريد مراسلتى على cadwael.com

    ردحذف
  25. مرحبا... هل تعرف أنه يمكنك جعل أكثر من 5000 € شهريا مع موقعك. تفقد شيئا. نعم صحيح. فقط انقر فوق الارتباط ونرى المزيد من المعلومات. حظا سعيدا

    ردحذف
  26. السلام عليكم
    فكره جميله .. بس انا شايف المشاركات تواريخها قديمه هوه الموضوع اختفى واتنسى ولا ايه اخر اخباره وامتى الأجتماع القادم

    ردحذف
  27. أنا اؤيد الفكرة
    طبعا
    وخاصة لما يواجه الكثير من العاملين فى مجال الرسم الهندسى والتصميم من غير خريجى كليات الهندسة من عدم اعتراف بهم
    وسأكون اول المنتمين لتلك النقابة

    لكن ايه اخر الاخبار ووصلتوا لأيه

    نرجو المتابعة اول بأول

    ردحذف
  28. شكرا جزيلا على الموضوع الرائع.الى المزيد من النجاح

    ردحذف
  29. انا رسام هندسى ومستعد للاشتراك معكم انا عندى خبرة فى مجال الرسم حوالى 23 سنة انا حريج معهد المطرية 1986 شعبة رسم وتصميم ميكانيكى

    ردحذف
  30. تنور , يمكنك العثور على صفحتهم على الانترنت و معرفة التفاصيل

    ردحذف

إرسال تعليق

المشاركات الشائعة