جسمهاالملفوف

نشرق في جريدة الشروق

جسمهاالملفوف

تحتار فيه ألوصوف

اتلخبطت فيه الحروف

هاتكلم عنك النهاردة

خلاص مفيش كسوف

مانتي عودك مكشوف

يشوفه الوف

و عشيقك عليه ملهوف

لازم اعترفلك

اني في حبك

خروف



إانت اصلا كئيبه

ما ورتنيش من المقطم غير الدويقة

و عامله نفسك بريئه

انت اصل كل حريقة

في كل مصيبة

كنت اصيله

كنت جنبي

تزودي مصيبتي و همي

و زي كل البنات بتحبي اغلي الحاجات

بتحبي زيهم الماس

بس مش اي ماس

بتحبي الماس اللي يكهرب الناس

و بتحرقوا من غير احساس

عشان الشوك اللي في الورد

بحب الورد

وانت شوك من غير ورد

و اذيتك مالهاش حد

و لا ليها رد

اذيتك مش ليا لوحدي

دي لكل اللي قاعد عندي

ريحتك اه من ريحتك

مشمتهاش؟ يا بختك

اسوء من التوم

اللي مشمهاش مرحوم

بحسد كل مزكوم

.

سكوت

انت زي العنكبوت

بتشديني ليكي بخيوط

و بعد ما نسهر مع بعض

بأموت

خليتي بيتي زي بيتك اوهن البيوت

..

ليه بحبك ؟

مين قال اني بحبك

او اني حبيتك

انا كنت زهقان قلت اتعرف علي اي واحدة

اي واحدة و السلام

لقيتك وسط شلة فاسدة

مسئلتش ايه وداكي هناك

لو كنت طاهرة و بنت اطهار

ليه بشوفك في صالات القمار

و في بيت الخمار

صرفت عليكي فلوسي

الجنية و الدولار

و الجزا الدمار

انا كنت حمار

قلت اهي ليله و تعدي

كنت مخنوق منك الاول

بس قلت تحمل

مش عارف اخد نفس

النفس اتحبس

و كاني عبد في قفص

و من شفايفة اتقرص

اذكر قبلاتك الكبري تؤلمني

كاني اقبل الكوبري

تؤلمني شفتي فاقبلك الاخري

تصيبني قبلتك بالسعال

فابدار بالمضمضة و الاغتسال

تقتربين بانفاسك الحارة من شفتي

و رائحتك تذكم انفي

و انف من بحذائي

فاقضي معك بعض وقتي

ثم ارمكي تحت قدمي

ساحقا اياكي بحذائي

كل يوم شاريكي

بعت نصيبي لشريكي

انت ناري و حريق

ي جسمك النار صديقي

بكرهك و انت بعيدة عني

و اكرهك اكتر و انت بين شفيفي

انت موتي و حتفي

و لفتك البيضه كفني

ايوة كنت بستعر منك

بستعر من اسمك و بخبي حاجتك و علبتك

بستعر منك اقدام ابويا و اخواتي

و بخبي علبتك جوي حاجاتي

ايه لزمتك ليا و ليه بتحمل تقلك عليا

فاكرة نفسك جرافته بتخنق بس بتجيب الاحترام

متزوديش في الكلام

ده انتي مشنقة و حكم بالاعدام