رسالة الى اخواني البلاك بلوك

ليه الافساد ؟؟
و ليه السواد ؟؟
و ليه بدل ما نحتفل بالاعياد
بنعيد الحداد
هو العيب فينا و لا شغل حساد
مستني اية لما تهجم على الداخلية
و في ايدك خرطوش
خرطوش اعمي يطوش
يجي في عسكري ماهيته كام ملطوش

كل همه انه يحوش

مستنياه ام غلبانه في الحوش

خلاص بتاخد اوامرك من شفيق

و تسمع لكل نهيق

و تروح لمبانيك تولع الحريق

و تضرب اللي كان من ايام صديق

و معاك  في نفس الطريق

كنتوا انت الاتنين في نفس الفريق

و اللهي انا بحب و بخاف عليك

و انت بترمي على المولتوف
قلبي عليك ملهوف

بدعي ربنا يحفظك  و ينجي امك من الخوف

خوفها عليك ترجع لها ملفوف

كل ما نحتفل بخمسه و عشرين  اية

نقول يسقط اسمه اية

و لما نسقط اسمة ايه

و نختار بيدينا اسمه ية

نحتفل باسقاط اسمه اية

و نسقط الرئيس المنتخب , كنا انتخبناه ليه

و كانت الانتخابت ليه

دي غابة دي و لا ية

و لما تسقطوه و تجيبوا اسمه اية

الشعب هيسكت ؟؟ ده كلام اية ؟؟

هيطلع ناس اسمهم اية يقولوا احن عايزين اسمه اية

و يسقط اسمه اية ؟؟

انا اسفين يا اسمك اية

هو فيه اية ؟؟

و من اللي علينا كذب

هو لشقي علينا انكتب

كفاية شعارات و خطب

و كفاية قتل ما فيهاش مصري كسب

و يلا نبي مصنع من الطوب و الحطب