انا مش اخوان

اشهر جمل لعام 2012

"انا مش اخوان"

"جبنة نستو يا معفنين"

"هاتولي راجل"

الناس اللي بتتريق عليا كل ما ادافع عن الاخوان و اقول "انا  مش اخوان" طيب ما انا بشرح برامج اوتوديسك بدون ما يكون لي نسبه في الارباح ؟؟

دخول الاخوان مثل عضوية النادي قد تكون بتشجع نادي الاهلي لكن هل انت عضو فية ؟؟ لازم اشتراك سنوي و التزام بقواعد انا لا اعرف مقدار الاشتراك و لا القواعد في كلاهما

غفران صالح صاحب فيديو جبنة نستو يا معفنين الشهير هو نفسه صاحب واحدة من اشهر صور ثورة 25 يناير 2011 التي نشرها الاعلام و لاقت قبولا علي شبكة التواصل الاجتماعي مثل فيسبوك و تويت

تعالي نعرف قصة " جبنة نستو يا معفنين " و نعرف اسم صاحب الصورة و من هو

يقول ا/ محمد محرز وهو صديق غفران صالح " جبنة نستو يا معفنين"

عاوز أعترف لكم باعتراف بما إن الزيطة بدأت تخف شوية , الشاب بتاع "جبنة نستو يا معفنين" هو صديقي غفران صالح بكالوريوس طب عين شمس، ومن أصدق الشباب اللي عرفتهم، هو أي نعم أفور في الفيديو وكان مضحك جدا والناس مكانتش فاهمة هو بيقول إيه بالضبط لكن اللي فهمته منه إنه المصور كان بيقول "الإخوان بيسرقوا الخيم" فهو رد عليه (قبل ما الكاميرا تيجي عليه) "هنسرق جبنة نستو يا معفنين؟!!" وبعدين الكاميرا جابته وفضل يتكلم بعصبية زي ما شفنا وهو ماسك الجبنة النستو في لحظة عصبية كوميدية جدا

لكن اللي الزياطين ميعرفهوش إن غفران كان من أوائل الشباب اللي نزلوا يوم 25 يناير وله صورة مشهورة جدا في الثورة، ساعة لما كان ثوار اليومين دول بيفكروا ينزلوا ولا لأ وبعد ما الشباب النضيف بتاع 25 يناير اطمن إن الميدان بقى أمان فنزلوا في مليونيات. مش بس كده، غفران كان بينزل كل المظاهرات ضد العسكر وهو اللي نظم معايا أول مظاهرة ضد العسكر في مدينة نصر واللي قدرنا ننظمها بشكل جيد جدا بالتعاون مع شباب من 6 أبريل مدينة نصر وهذه المظاهرة تم نسبتها لحملة كاذبون واحنا عديناها عشان مش بنشتغل للشو الإعلامي ومش فارق معانا. بس من بعدها بدأت تنتشر المظاهرات ضد العسكر في أحياء مدينة نصر ومصر الجديدة

"هاتولي راجل"  قالها الشيخ في حوار و تم قصها

و طبعا اللى قطع الكلمة دى عن سياقها هو " باسم يوسف"
و اانتشرت كالنار فى الهشيم على لسان ضعاف النفوس
فهل سألوا نفسهم ايه اصل الكلمة دى؟؟؟؟

دكتور محمود شعبان كان فى استضافة دكتور عاطف عبد الرشيد وكان يحكى للدكتور عاطف عن موقف حدث معه ان قناة من القنوات طلبت استضافته فسأل اصحاب القناة ومن سيكون المذيع الذى يحاورنى فقالوا له المذيعة فلانة فقالهم لا مش حينفع اظهر فى البرنامج فى الحوار مع مذيعة لأن هذا لا يجوز حتى لا أأخذ ذنب كل متابع للبرنامج وينظر اليها

فقال: فطلبت منهم ان يجيبولى مذيع راجل يحاورنى"قلتلهم هاتولى راجل" فرد عليه د .عاطف: وجابولك راجل.. فرد عليه د. محمود وقال له : جابولى راجل

يبقى عرفنا ان المعنى الاصلى لهذه الكلمة ان الشيخ محمود مكنش عايز مذيعة تحاوره علشان لا يجوز "حرام" انه يكون فى البرنامج مع امرأه فلذلك طلب مذيع راجل ليحاوره ولا يتحرج من الذنب

ولكن هذا " باسم يوسف" حور الكلام بحيث يفهم اى متلقى الكلمة انها كلمة اباحية شاذة عن طريق قطع الكلام من سياقه واخراجه بهذا الشكل ليصل للمشاهد بهذه الطريقه

واقول لكل واحد بيتناول الكلمة دى فى حق الشيخ: اتق الله الذى يسالك يوم القيامة عن هذا القذف للشيخانا باغليانا باغلي


انا نقلت الموضوع ده بس علشان متاخدوش ذنب الشيخ





سؤال برئ

اين ذهبت الجمل الغربية للدكتور البرادعي و حمدين ؟؟ لماذا لم يتم التركيز عليها

Related articles

• 2 Wall (draftsman.wordpress.com)


• 4revit by tv (draftsman.wordpress.com)