هتكشر النهاردة

>و انا عائد من منزلي قال لي زميلي

انت ساكن فين

المرج

و هتمطر ؟؟

انا سرحت مع نفسي هيا اشمعنا المرج اللي الامطار هتزل فيها و ضربت معايا لخمة

كان يقصد

هتركب المترو

و طول اليوم في العمل اجد كلمات مش فاهمها غير بالاستفسار

هتفرمت الهارد و لا هتبرتشه

افرودلك الملف حالا

كيشلي

و واحد بيقول لي

"هنكردن المشروع امتي "

كردن اية

قصدة كورديناشن COORDINATION 

و هي حل التعارض في الشغل

مزج العربي بالانجليزي و كأن الواد طول عمره عايش في ولاية ويلز

و كان واحد فينا مش عربي او اللغة العربية ليس فيها مقابل

بالاضافه لمعامله الانجليزي كالعربي و جره و كسره و جمع المذكر السالم

في هذه الحاله يصبح جمع مخنث سالم

واحد صاحبي بيقول لي كلمه اكتشفت انها عربي لكنها محوره  :

"هتكشر النهاردة؟"

اكشر اكشر ليه مين اللي مات

اتريه عايز يقول

"تاكل كشري النهاردة"