متحف حسن فتحي بالقرنة

يونيو 08, 2015

متحف حسن فتحي بالقرنة

اتشرف اليوم بالحديث مع الاستاذ محمود احمد عبد الراضي , جده اول من سكن بالقرنه التي بناها حسن فتحي و ماذا زال و ابيه يعيشان في المنزل حتي الان

6/6, 10:54pm

Omar Selim

نتعرف بحضرتك ؟؟
6/6, 10:55pm

Mahmoud Ahmed Abdelrady

محمود احمد عبد الراضى
6/6, 10:55pm

Omar Selim

كمل خد راحتك في الاجابة
6/6, 10:56pm

Mahmoud Ahmed Abdelrady

من قرية المهندس حسن فتحى بالبر الغربى بالاقصر

ساكن فى اول بيت بنى فى قرية المهندس حسن فتحى

سكن فيه المهندس حسن فتحى 3 شهور

واهداه لجدى عبد الراضى

لانة اول واحد ينزل من الجبل

جبل القرنة

مقابر الفراعنة سابقه

سلم جدى المقبرة بتابوت جرانيتى احمر كامل لهيئة الاثار

1960

توارثنا الحياه فى قرية حسن فتحى بفلسفه مختلفه وحياه بتتغير من نظام منزل بيجسد شخصيتك وينظملك حياتك ويحميك وتحمية كأنة شخص بيتنفس معاك

الموضوع استمر من جدى لوالدى لابنائه

لقيت نفسى بسأل والدى ليه قريتنا مختلفه

ليه جنسيات كتير بتيجى هنا

بالرغم انها بعيده عن المنطقه الاثرية

لقيت نفسى بعشق كل جزء فى البيت وعرفت معنى كلمة منزل ابى الذى فيه كل خطوه لها معنى

لعبنا استغمايه

ومتكشفناش

عدت علينا اقصى درجات الحرارة وحمانا قبو

فترات انتشرت الحشرات فى قرى والبيت جاهز انه يمنع كدا

مع المعايشة اكتشفناها

زى العنكبوت مثلا مش بيعيش فى الغرف القبوية

اكتشفنا صدى الصوت وازاى نلبع بية

نلعب

بيه بحرافية

منزل علمنا نقرا

بيت خلانا نتعلم سلوكيات من الادب الاسلامى

ومن الطبع الشرقى

من محافظه على حرمه البيت

من الداخل والخارج

لدرجه انى كنت بتخيل انة انسان عايش معانا

بيتفس زينا

بدأت اعمل مقارنات عن القرى البديله

بعد حسن فتحى

لقيت سلوكيات بتتغير

طباع بتختلف وبتتحول

عادات وتقاليد حميده بتنهار

العمارة دى لما اتبنت فى الــ الاربيعينات

دمج فتحى التطور وانك تفكر فى التتطور ةفى نفس الوقت تحافظ على عرقك واصالتك

البيوت الحديثه مبينة اكشاك

تخلى فيها الرجل الصعيدى عن الجلابية اللى فى عقله

واللى فى مظهره

تخلى عن فرن العيش البلدى تخلى عن مواشيه

فحصلت الازمات

من ازمات كنا بنسمع بيها من زحام قدام الحصص البترولية وحصص عيش وبقى صراع شعبى انشأئة د عثمان احمد عثمان من وجهه نظرى
6/6, 11:11pm

Omar Selim

ما الذي تبقي من قرية القرنة ؟؟
6/6, 11:11pm

Mahmoud Ahmed Abdelrady

المسجد ومسرح ينهار وسوق سياحى ينهار ومنزلى و5 منازل مرممه و 7 منازل فى حاله سيئة
6/6, 11:12pm

Omar Selim

هل الحكومة و المحافظة تقوم بدورها في الصيانة لهذه المنازل الاثرية ؟؟
6/6, 11:13pm

Mahmoud Ahmed Abdelrady

لا

مجرد زيارات ميديانية لما يعرفوا ان فى مسئول من اليونسكو قادم او شيئ مهم انهار
6/6, 11:16pm

Omar Selim

حضرتك مرشد سياحي لماذا اخترت هذه المهنه
6/6, 11:17pm

Mahmoud Ahmed Abdelrady

انا حاليا مش مرشد

بس لما اختارتها لقيت نفسى عندى الشخصية اللى تقدر تفسر لغز جزء من حيات اجدادها

بس مع تصاعد المواقف الاقتصادية تغيرت كل شيئ

ورجعت لهواية كنت بشتغلها ايام الدراسه اتوفير دخل ايام الدراسه

هى صيانه الكمبيوتر

بعدها توقفت

بعد التخرج

ومارست وظيفة الارشاد

فى مصر والاقصر واسوان

لفترة سنه

والشركه حصلها تصفية

فرجعت لحسن فتحى كهواية وهدف لازم يرسل

ومحل صغير فى القرية للصيانه
6/6, 11:22pm

Omar Selim

من أبرز من أبرز من زاروا القريه
6/6, 11:22pm

Mahmoud Ahmed Abdelrady

الامير الحسن اخ الملك حسين عاهل الاردن

شخصيات من اليونسكو

الاديب جمال الغيطانى

د احمد عكاشة

وسفراء لجنسيات كثيره

وبعد الشخصيات العامه من مشاهير فى الوسط

ومخرجين افلام وثاقية

وثائقية
6/6, 11:24pm

Omar Selim

بمناسبه الافلام

هناك فيلم عن القرنه

هو الجبل

ما الحقيقي و ما الخيال

لأن المهندس حسن فتحي لم يعلق عليه
6/6, 11:25pm

Mahmoud Ahmed Abdelrady

مش حقيقى ومش خيال

بس اللى اعرفة حسن فتحى غضب من الفيلم دا

اما بخصوص واقعية الفيلم من خلافه

الفيلم اخد طابع الحبكه الدرامية وجسد جبل كامل حلمه ينهب من تحته

هنرجع شويه قبل حسن فتحى

1887 تقريبا

وقبلها

كانت مصر مش ملك لمصر

فكان النهب علنا وبمساعده الحكومات

وكان فى قصه شهير للمكتشف ماسبيرو انه لقى برديه عن طريق واحد من الجبل

ولقى فيه اهم اكتشاف خبيئة المومياوات

ولقى مومياوات ناقصه

دا كان دليل ان اهل الجبل اكتشفوها الاول

كان فى عيله اسمها عيله عبد الرسول

اكتشفوا الخبيئة قبلهم

وكانوا كل فتره متباعده بيخدوا قطعه اثرية للعيش

مش للغنى

المهم لما اكشتفوا انهم اللى احدهوا اخدوها منهم واتكتب انها تابعه اكتشافات ماسبيرو

واخد جزء كبير منها

بالرغم انه كان معاه مكتشف مصرى لم يذكر اسمه

وكانت مباحه تجارة الانتيكات وقتها

1929 جرمت سرقات الاثار

بس قصه الجبل

تختلف اننا نتهم الجميع بأنهم كلهم وظيفتهم واحده

كانت منقسة بسبب النزول والرفض

منها اللى مش عايز يتخلى عن الجبل لان جزور اجداده وعروقه فى الجبل

ومنهم اللى بينهب

ومنهم اللى خايف من الفيضان

ومنهم اللى محترمش فكره فتحى فى بناء منزل قبوى شبية بالضريح

كانت اسباب الرفض كتير

ولكن فتحى اقنع البعض ونجحوا فى اقناع زويهم

بس بعد فوات الاوان

كانت القرية امتلات

ودعم المشروع الملكى توقف

بعد ثورة يوليو
توقف التمويل وانشغلت الجمهورية بالدفاع عن مصر ضد العدوان وخلافه من حروب توالت على مصر

ووزاء الاسكان وقتها موقفوش بجانب حسن فتحى بالعكس اتهموه بالرجعية فى تطبيق فكره البناء ذو التنمية المستدامه
8:

Omar Selim

اتمني حضرتك تكلمنا عن الوالد
Mahmoud Ahmed Abdelrady

الحاج احمد عبد الراضى

مواليد 1950م

ولد اعلى قمة جبل وتعلم فى مدارس المهندس حسن فتحى

الابتدائية

لم يكمل تعليمة ودخل الجيش فى سن مبكر من عمره

فى عام 1969م

حتى 1976م

له اخ واخت

كان يرى المهندس فتحى وهو صغير ووالده يرافقه الخطى فى القرية لانة كان حارسا لمعبد الاقصر فترة وحارسا للقرية فى فترة اخرى

بعد انتهاء الحرب عمل فى شركة اطفاء ثم غفير فى فندق بأسوان ثم غفيرا فى فندق بالاقصر

فأعلنت الشركه التابع لها الفندق عن احتياجها لضباط امن وشرطها ليس المؤهل ولكن انه يكون يجيد القراءة والكتابه ويعرف بدايات الانجليزية

وبالفعل كان والدى يحب القراءة ويعرف انه خطه جيد

فقبل لدى الفندق استمر فيها اكثر من 35 عاما حتى وصل الى درجه مدير امن خاص فندق

وفى ظل عمله كان يقابل جنسيات من جميع انحاء العالم وينبههم عن وجود قرية مثالية يقطن فيها ويدعو اصدقائة لمشاهدتة تلك القرية

بدأت تتناثر القرية من انهيارات وازالات من قبل الحكومه والاهالى ولكن تمسك الحاج احمد بالمنزل

بالرغم انتشار تلك الموضه الحديثة

المبانى الخرسانية علب الكبريت

ذات النوافذ الكبيرة ذات اللون الاحمر
بدأ البيت ينحصر

وسط تلك الابنية واتهم بانة يدعى فقرة

بأن البناء دا للفقير الان او مدعى ذلك

وبعد ان حول والدى جزء من المنزل الى متحف لجميع محبى العمارة

تغير فقهم الناس له الى الاسوأ

فأتهموه بأنة مسبب المشكلات لهم

بمعنى وجود منزل احمد عبد الراضى رابضاً تعنى الكثير

تعنى كثرة الصحف كثرة المهتمون كثرة الحكومات والهيئات التى تنقذ وتدين كل ما هو يهدم كل ما هو اصيل

قابلنا تحديا كبيرا اكثر مما عاناه فتحى فى غرق قريتة وايذائه من الاشخاص

فبعض الناس اغرقوا منزلننا خفية
Mahmoud Ahmed Abdelrady
8:45pm

Omar Selim

ما الذي يميز حسن فتحي عن غيره ؟؟
8:45pm

Mahmoud Ahmed Abdelrady

الفكره
8:46pm

Omar Selim

؟؟
8:47pm

Mahmoud Ahmed Abdelrady

انا اقصد انه ممكن اى حد يبنى قبو

او نفس تصميم حسن فتحى

بس الروح مبتكنش موجوده
8:50pm

Omar Selim

ما اهم الكتب التي كتبها حسن فتحي او كتبت عنه ؟؟
8:52pm

Mahmoud Ahmed Abdelrady

قصه قريتين - المشربية - وكتاب لجيمس ستيل عن اعمال فتحى وكتاب من الجامعه الفرنسية
8:53pm

Omar Selim

كيف كانت معاملته للعمال ؟؟
8:56pm

Mahmoud Ahmed Abdelrady

اللى اعرفة ان فتحى برغم انة من عائلة ارستقراطية الا انه كان ودود وكان يجسد دور الاخ الاكبر فى النصيحه وكان يرطب على العمال بأنه اتى بمغنى يغنى للعمال حتى ينسيهم مشقة العمل

ومن الناحية الصحيه اهتم بذلك ومن الناحية الثقافية
8:58pm

Omar Selim

هل هناك عمال محترفين الان يمكنهم البناء بنفس الكيفية ؟
6/7, 9:06pm

Mahmoud Ahmed Abdelrady

نعم

والدى بعد ترميم دام اكثر من 15 سنه كون فريق عمل خاص به

منهم من يجيد الترميم

ومنهم ومن يجيد بناء القبو

ومنهم من يجيد طلاء بالمواد الطينية بحرفية
9:10pm

Omar Selim

بالاضافة لوالدك الكريم من هم ابرز تلاميذ حسن فتحي الحقيقين ؟؟
6/7, 9:11pm

Mahmoud Ahmed Abdelrady

والدى يتذكر جيدا اسماء العمال كلهم افضل منى
6/7, 9:13pm

Omar Selim

بيتكم مشهور ان درجة الحرارة منخفضة نسبيا عن الحر في القرية .. كيف ؟؟
6/7, 9:15pm

Mahmoud Ahmed Abdelrady

مشهور لعده اسباب منها يمكن هو الوحيد المتبقى بهيئته وعلشان تنوع العمارة فيه على حسب فلسفتنا فى تفسير ذلك ومن ناحية درجه الحرارة بأنه بيقل عن الخارج بعشر درجات

ودا بسبب عرض الحيط بانة 80 سم

وانه من الطين فنقله للحرارة بطئ

وبناء القبو

يقى من درجه الحرارة المباشرة

العمودية

انه بياخد الشمس من اتجاه جانبى

وفتحات التهوية بتساعد على تغيير درجه الحرارة الى الافضل

ودائما بتكون فتحات صغيرة

وامام كل باب غرفه فى فناء مفتوح

للتهوية والاضاءة

او ملق هواء

ملقف
6/7, 9:21pm

Omar Selim

ما هو الملقف ؟؟ انا ريفي فعارفه , بس فيه ناس عايشين بالمدن
6/7, 9:22pm

Mahmoud Ahmed Abdelrady

يمكن وصفه يخوننى بس هو فناء مفتوح مربع الشكل يعلوه فتحات تسمح بدخول الهواء من اتجاه معين على حسب وصفى التعايشى وليس الوصف العلمى
6/7, 9:23pm

Omar Selim

ايه الى ممكن نعمله لمنع هذا التراث من الضياع و الحفاظظ على القرية

هل درست امكانية تحويلها لمتحف او فندق مثلا
6/7, 9:28pm

Mahmoud Ahmed Abdelrady

بخصوص المحافظه نحتاج الدعم المادى الصحيح وانه يكون فى مركز صيانه دورى موجود فى القرية زى ما اتعمل كدل فى قريته اللى فى ولاية نيو ميكسكو انه فى مركز للصيانه الدورية

ودا هيخلى الكتير من الشباب يتمسك بالتراث مدام موجود فى حل

اما بخصوص فكره التحويل الى فندق العجز المادى والاعلانى او فشلنا فى ايجاد مسوق لنا

اعلنا الفكره فى 2009 صريحه وسرق مننا الفكره د زاهى حواس باختيار منزل هيوارد كارتر بأنه يتعمل فيه نفس الفكره اللى شرحنهاله وقتها
6/7, 9:31pm

Omar Selim

وزارة الاثار المصرية لم يكن لها دور ؟؟؟
6/7, 9:31pm

Mahmoud Ahmed Abdelrady

لا اسمع لا ارى لا اتكلم

سوى ورقيا فقط

بـن القرية مدونه بانها محمية تراثية
6/7, 9:32pm

Omar Selim

المهندس حسن فتحي عاني الامرين من الروتين الحكومي
6/7, 9:33pm

Mahmoud Ahmed Abdelrady

ومازالت المعاناه
6/7, 9:33pm

Omar Selim

ما اشهر اقوال حسن فتحي ؟؟
6/7, 9:34pm

Mahmoud Ahmed Abdelrady

منزل ابى الذى كل خطوه فيه لها معنى

الفقراء زبائنى
6/7, 9:35pm

Omar Selim

هل يمكن لفكر حسن فتحي اذا تبنته وزارة الاسكان ان يساعد في حل ازمة السكان
6/7, 9:36pm

Mahmoud Ahmed Abdelrady

بالطبع مش كدا وبس هيخلق جيل يحترم اصله ويتبنى مستقبله
9:36pm

Omar Selim

كيف ؟؟
6/7, 9:38pm

Mahmoud Ahmed Abdelrady

المنزل هو بداية النشأة للجيل ان كان فىه كل سبل الراحه وانك تكون فخور بالاختلاف هيعيطك راحه للتفكير فى المستقبل

دا جزء ومن الطابع الجميل فى عمارتة احترام الجيرة

ومستحيل تلاقى فى التصميم القديم

شباك فى وشك شباك

او باب فى وش باب

ودا هيخلد صله الجيرة للافضل

بعكس المساكن الشعبية اللى معندهاش ادميه فى البناء وهى سبب فى العنف والتوتر
9:41pm

Omar Selim

هل ما زالت هناك انشطة و فعاليات في القرية ؟؟ و ما اخبار المسرح ؟؟
6/7, 9:44pm

Mahmoud Ahmed Abdelrady

المسرح مغلق

اما بخصوص الانشطه للاسف مفيش

غير بعض النشاطات اللى بنربطها ببعض الجمعبات

ذات الفكر الثقافى البناء

وهدفنا اللى بنعمله دلوقت بنحبب الجيل الصغير ذوى الاعمار من 8 الى 12 القرية وتعليهمهم من هو حسن فتحى
9:47pm

Omar Selim

ربنا يكرمكم و تكونوا نواه لبعث جديد لفكر راقي ,
6/7, 9:48pm

Mahmoud Ahmed Abdelrady

ان شاء الله
9:48pm

Omar Selim

ما اهم الاثار بالاقصر سيادة المرشد
6/7, 9:49pm

Mahmoud Ahmed Abdelrady

معبد الاقصر معبد الكرنك وادى الملوك ووادى الملكات ومعبد الدير البحرى دول ابرزهم
9:50pm

Omar Selim

كيف تأثر السياحة بالاحداث الحالية
6/7, 9:53pm

Mahmoud Ahmed Abdelrady

للاسف اعتمدت اهل القرى فى تلك المنطقه بأن وظيفتها هى العمل بمجال السياحه فقط فالاغلبية لم يتعلم اى مهنه اخرى فمع انهيار السياحه انهار كل شيئ

زادت نسبة البطاله لحد كبير

وفكر حسن فتحى فى مدارسته تعليم الاساسى والتعليم الحرفى لتفادى ازمه مثل تلك
9:56pm

Omar Selim

ما اقترحاتك لحل مشاكل البلد ؟؟
اولا من الناحية الشباب وفرص باب العمل فتح اسواق ومدارس للحرف وتنميتها

تفعيل اماكن لتدريس اللغات من قبل السفارات الحامله لتلك اللغه

انقاذ ما تبقى من تراث وعادات حميده

ومن ناحيه الثقافية اخراج المواهب وتنميتها

حل مشكله الاسكان قبل ما تتأزم مره اخرى وتصبح القشة التى قطمت ظهر البعير

الصرف الصحى

افكار كتير بتتبنى مع كل فكره بتتحقق

فكره بتتحقق بيعطينا امل وبيعطينا جرعه اننا نفكر اكتر ونحلم اعلى
Mahmoud Ahmed Abdelrady
10:05pm

Omar Selim

الله يفتح عليك و تمسك وزير التخطيط
ماهي امنياتك
6/7, 10:06pm

Mahmoud Ahmed Abdelrady

فكر حسن فتحى لقرية يوتوبيا اللى بتخيلها ترجع

لانى شايف عمارة فتحى هى يوتوبيا المدينه الفاضله هى البناء اولا وبناء الروح ثانيا

مش للسكن فقط