اعتذارها

>

جت  تقدم اعتذارها

عشان ماجتش في ميعادها

يا ريت مكنش زعلت منها

بس قبل ما تكمل كلامها

سالتها

عن اسمها

اصل مش فاكر شكلها



بتعشميني
بشعرك الطويل الحرير
يكون لي سرير
انام على نصه و تغطيني بالتاني
افتلي شعرك حبال و اشنقيني
و اصلبني
و مكتوب في الانجيل
ملعون من صلب على الصليب
فالعنيني

فاكره عشان رديت عليكي
خلاص عاشق عنيكي
فاكرها قصه حب و فاكره ان ليا قلب
اسئلي عن عمر سليم
اسئلي كل الحريم
انا شهريار

نساء الدين كام مليار

مها و سها و ميار

و احلام و سوسو و منار

كلهم قدامي و انا بختار



انا الشاة

 ابكي عشان فتاة

دموعي دي لله

دموعي دي مش ليكي

روحي الله يشفيكي


ازاي تدخلي قصري من غير معاد

قصري له الف سور

على كل سور حجاب

هتكدبي و تكولي انا اصحاب اننا احباب

و لا يكونش معاكي مفتاح

متقوليها عشان ارتاح

ما هى سداح مداح




تكونيش فكراني روميو و انت جوليت

اديتيني ميعاد و انا استنيت

لوحدى في البيت

و مسكت منديل و بكيت

و لما اتاخرتي بالجاز استحميت

وولعت عود كبريت

و انتحرت عشان حبيت



لا تكوني فاكره نفسك عبلة تبقي هبله

 و يا تري يا هل تري

لو انت عبله

يبقي انا عنترة

و لا فاكراني شمشون
و انت دليلة
عايزة تباتي معايا ليله
عشان تتباهي و تقولى انك خليلة

روحي يا شاطرة و انت ذليلة


اكونش انطونيو و انت كيلو باترة
عايزة ايه يا شاطره
بوسه على خد
احلمي على قد
و خلى لحلمك حد

بتقولي ما تزعلش

عشان واحدة انام زعلان

هاعاني من الوحدة

انا كنت سهران مع عشرين واحدة

زادوا واحدة

هاشتكي من الوحدة !


لا ما تخافيش مش زعلان

يا شاطره غلطي في العنوان

دانا دنجوان

زهقان من النسوان

طهقان من النسوان

مش  ناقصاقى كمان

اشي من سوريا و لبنان

بنات من كل مكان

صبايا اشكال و الوان

فوقتي كله مليان

فملكيش مكان


يا شاطره انا دبور

خدى دورك في الطابور

و متقلقيش دورك جاي بعد شهور





خلاص يا حلوه ما تبقيش

 ما تعيطيش


انا قلبي خفيف

بيرق لكل ضعيف

قولي انك كرهتيني

و سبتيني

و عاقبيني

بأنك متورنيش وشك تاني

افعلي فيا ثواب و عاقبني

و لو اسمك عندي على الفيس بوك

اعمليلي بلوك

تعليقات

المشاركات الشائعة