عصيدة

>


هذه كلمات خطرت لي و لم اجد الوقت لاكملها

لمن يريد سماعها صوتا

http://www.4shared.com/audio/lsxnZHus/asida.html

النهاردة جه اخويا يطلب بنتي لابن عمها
قاللي دي زي بنتي مها
و هاعملها زيها
شبكة بمئه الف لها
دا غير مهرها
و عشا لحد عندها
لها و لكل اهلها
قلت له فيه يهودي متقدم لها
استغرب و قال و هو اليهودي يحل لها

قلتله ده مش رأيي ده رأيها
قالي رأيها و لا كلام ربها
قلت له لا اليهودي و لا ابنك ينفع لها
و ده كلام نبيها
وخلاص الكلام انتهى

مش هاكلملك في مهرها
و لا في فستان عرسها
و لا في عشا اهلها
بنتي هدية للراجل اللي يتقدم لها
انا عايز راجل يحافظ على عرضها
راجل يصلح فكرها
لو مره مال عقلها
او الشيطان وسوس لها
الواد زي البنت زيه زيها
لو كلمها مش هتنقص حته منها
ده حتى زميل اختها
و امه عارفة امها

ساعتها يصلح اللي في مخها
و يرجعها لعقلها



مش واحد يخليها تسيب شعرها
و تلبس محذق يبين جسمها
و الروج تلطخ بيه وجهها
و كعب عالى يرج اردافها
و هو ماشي جنبها
و الكلاب من حولها
تنهش بعنيها جسمها

و تشم بنهم عطرها
اللى اشتراه لها بعلها
يا عينى على سحرها
و زعلان لما الشباب يبصبص لها
و هو ماشي جنبها و ايده على وسطها

و يسبها تقعد مع اولاد عمها
و يبوظ احلى ما عندها
حيائها
و يدخل افكار غريبة في فكرها
و لو بن خال بن عمها
اتصل بها
يسلم عليه و يديه لها

ابنك و متزعلش حته خو....
حته خواجة ابهه
مرضهوش لها
و لا امنه على عرضها
كده انا بميل بختها

انا عايز راجل لها
يحبها و يغير عليها
يغير لو حد مشى من جنبها
يغير من السواك لما يلمس بقها
يغير من المرايا اللي عندها
لو شعاع  القمر يوم طل على وجهها
يكرمها لو حبها
و يسامحها لو كره حاجه منها
راجل حنين ميهملش  رأيها
و تطيعه طاعه لربها

مش تافة تلبسه في رجلها
و تحط نقطة على بعلها
و تركبه و تدلل رجلها
لا يفلح قوم ولوا امرهم امرها

قالي انت محبكها حبتين
و حابس مراتك عن العين
مع اننا في القرن العشرين
و كلنا متعلمين و منورين
قلت له اسمع كلم الامين
فعلى النساء تقاتل الاخوين
على كده بعد يومين
هنقعد كده مبلصين

شوف مرات ابنك حسين
تقولة يمين يبقى يمين
و هاشتري ورد بالفين
ما يقدر يقول لها اجيب منين
و جري يستلف من زين
عشان يرضى نوارة العين

انا هاجوزها راجل ياخد بايديها
على قد ما ربنا يقدره يسعدها و يرضيها
و لو الدنيا زنقت معاه  تلاقيها
واقفه جنبه ما هو كله ليها

لا يا خويا
مش هاجوزها لخرونج
تقوله يو ار رونج
و يسبها مع الناس و يلعب بنج بونج

و انا فلاح
لا قريت بن رشد و لا مختار الصحاح
و لا انا دكتور و لا  مهندس و لا جراح

لكن  راجل مش سايب البيت سداح مداح
لا , بسئلء مين اللي جه و مين اللي راح

اغار على بنتي انشراح

و لما الاقي لها راجل هعمل افراح

و اجاوزها و ارتاح

كل يوم اخرج بمصباح

و لما يسألوني بتدور على ايه ؟؟


 بدور على راجل احط قلبي بين ايديه

تعليقات

المشاركات الشائعة