>على حافة الافلاس

>

على حافة الافلاس
أ  يتصل هاتفيا    
ب يصحى من النوم متضايق و يمسك السماعة و يقول
                   هذا الرقم غير موجود بالخدمة
أ                  طيب انا منتظرك تقولها بالانجليزي
ب                عايز ايه , ارحمونا
أ                  الحق عليا انى عازمك النهاردة على العشا عندي في المكتب
ب                عزمنى عندك في المكتب , ربنا يستر , هات من الاخرطلباتك ؟؟؟
أ                  لا دي عزمومه محبه بس هات معاك اسطوانات البرامج عشان ال system  وقع من غير ما حد يلمسه و جات له شوية فيروسات  انفلونزا على I love you
ب                Iمش عيب عليك تكون صاحب شركة برمجيات و كل شوية تجيبنى انصب لك البرامج و نظام التشغيل
أ                  القائد ما بيشتغلش بيده و بعدين ادينا بنشغل امثالك







ب                السلام عليكم و رحمه الله و بركاته
أ , ج            و عليكم السلام و رحمه الله و بركاته
ب                ايه ده الحبايب كلهم هنا , طبعا و تتحسب عليا عزومة
                   اطلب الاكل على ما اثبت لك البرامج
أ                  تحب تطلب اية
ب                اي حاجة دليفري على حسابك
أ بصوت منخفض
                   أن كان لك عند الكلب حاجة قل له يا سيدي
ب                مش سامع انت بتقول ايه ؟؟
أ                  أبدا تحت امرك يا سيدي
ج                المهم متكونش امريكي , لازم نطلع رجاله و نقاطعهم
أ                  طيب ثبت  لي برنامج لتحميل الملفات من على الانترنت على هذا الجهاز
ب                طول عمرك متعب و مستغل
[يخرج عده اسطوانات و يبدأ في تثبيت البرنامج DAP]
أ                  انا طلبت الاكل , ما تعلمنا يا عم و انت شغال , أعمل بلقمتك
ب                اسهل حاجه تنصيب البرامج كل ما عليك اختر NEXT
ج                يعنى انت مبتقراش الاتفاقية ؟
ب                أقرأ مين يا عم دي بالانجليزي و كله شوية رغي
ج                طيب ارجع للشاشة السابقة هاوريك حاجة
                   أقرأ الفقرة دي
أ                  في حاله الاختلاف يتم الرجوع الى محكمة اسرائيل العليا
                   يا نهار اسود هتودونا في داهية
ب (بعد ثواني ذهول)
                   يا عم ده كلام و خلاص
ج                كلام و خلاص ؟ المؤمنون عند شروطهم و في حاله حدوث مشكلة ستضطر للمثول بين يدى محكمة اسرائيلية , ثم كيف تثبت برنامج على جهاز  مبرمجة منتمى لدولة احفاد القتلى و الخنازير
أ                  بلاش هذا البرنامج و خش على ال SYSTEM
ب                بلاها سوسو خلينا في نادية , انا جايب معايا لك نسخة سهة لن تضطر لكتابة الرقم السري هو مكتوب جاهز مجرد تحط الاسطوانة في الجهاز و عشر دقائق تلاقي الجهاز شغال زي الحصان
ج                ايه ده ؟ انتم مش شغالين بنسخة اصلية ؟؟؟
ب                اصلية مين و بتاع مين , هى جزمه اميجو اصلي
ج                العلماء حرموا استخدام نسخة غير اصلية و هذه اجهزة شركة , يمكن للمصنفات في اي وقت تطب عليه
ب                مصنفات ايه في مصر , هو فين حد في مصر بيشتري نسخ اصلية
ج                شيوع الخطأ ليس معناه انه صواب و معاك ان النسخ غالية , بس ده حقهم لانهم تعبوا فيها
ب                بس لو اشترينا نسخ اصلية من الدول دي , معنى كده ان ملايين الدولارات بل و المليارات  هتخرج من بلادنا
ج                فعلا دي مشكلة , في واحد صاحبي كان كلمنى عن حل لهذه المشكلة
أ                  مفيش حل غير اننا نعمل برامج في مصر
ب                مفيش فايدة مش هاتقدر تبدأ من الصفر و تعمل الدول تنافس بيه البرامج العملاقة الموجودة في السوق
ج                اكيد فيه حل و لازم هلاقية
أ                  قفل على المواضيع و اسكت لحد متلاقي حل , و سيب ب يشتغل





[مشهد بشركة أ بطريقة كوميدية يعتقد ان الزائر زبون و يكتشف انه من ادارة المصنفات ]

الزائر           في الحقيقة ان كنت مار فوجدت يافطة الشركة فاحببت ان استفسر عن الشركة
أ                  نعم شركتنا تعمل منذ 15 عام و لدينا 55 موظف
الزائر           اسمح المكتب لا يسع هذا العدد
أ                  الشقة العليا تتبع مكتبنا و بها نفس العدد و هناك شقة اخرى في العمارة المجاورة بها 15 جهاز ده غير السكرتارية و المحاسبين
الزائر           جميل شغالين ببرامج ايه
أ                  احنا شغالين باحدث البرامج المتطورة و التى يعملون بها في امريكا سواء في الرسم العادي او الرسومات ثلاثية الابعاد
الزائر           و النسخ دي جايبنها منين اذا سمحت لي
أ                  محملها من الانترنت
الزائر           يعني غير مرخصة
أ                  مرخصة !!! هى تفرق معاك في ايه
الزائر           انا فلان  من مكتب المصنفات , و في حاله وجود نسخ غير مرخصة فسأضطر اسفا لغلق الشركة
أ                  طيب نتفاهم احنا مستعدين نقدم السبت بس نلاقي الاحد
المصنفات      مش هاينفع للاسف في ضغط من الشركات صاحبة البرامج , و لا حل الا شراؤها
أ                  طيب اعطنى فرصة لشراء البرامج
المصنفات      معاك اسبوع و بعدها هاضطر اسفا لاغلاق المكتب







أ                  فكر معايا هنعمل اية في المصيبة دي
ب                انت كلمت الشركة صاحبة هذه البرامج
أ                  ايوه و حسبنا اسعار البرامج بلغ اقل حاجة 450 الف جنية و ده لاقل عدد من الاجهزة و اقل امكانيات
ب                ياه ده رأس مال الشركة لا يبلغ ربع هذا المبلغ
[الهاتف يرن ]
أ                  ثوانى هرد على الهاتف
ب                ايوه يا عم ماشي معاك
أ                  دي  حماتى هذه المره و ليست خطيبتي
أ                  ايوه عاملة ايه ؟ايه المفأجأة دي يا حماتي ؟اول مره تتصلي بي ؟ مين اللي لحق قالك على الخبر ؟
ايوه تمام مضبوط ! بس متخافيش المشكلة  هتتحل طيب مع السلامة
أ                  عاجبك كده ؟ بتكلمنى و شكلها متضايقة
ب                معندها حق انت كده هتأجل جوازك 5 سنين على الاقل
أ                  و هو بيدي ؟ و يا ريت تيجي على كده هاضطر استغنى عن عدد كبير من الموظفين
ب                يعني هى البلد ناقصة بطاله
أ                  معندكش حل فكر معايا و الا الخطوبة هتبوظ
ب                عارف لو الخطوبة باظت هتوفر ما يقرب 15000 ثمن الذهب
أ                  نقطنا بسكاتك يا عم الامور
ب                يقولك صح متيجي نكلم ج يكلم صاحبة اللى اتكلم عنه المره السابقة , مش هانخسر حاجة
ا                  على رايك , الغريق بيتعلق بقشاية











ب                بس يا هندسه ده ملخص للموضوع
ع                لستم اول شركة يحدث بها هذا , و كل الشركات عليها توقع هذا الموضوع
                   على العموم  اية البرامج المطلوب منكم شراؤها
أ                  نظام تشغيل
                   و برامج تعديل الصور
                   و برنامج رسم ثلاثي الابعاد

[يفترض ان أ لا يعرف نظام تشغيل غير النوافذ و لا يعرف برنامج صور غير الفوتوشوب ]
ع                ايه تانى ؟؟
أ                  خلصنا من دول و مش مهم برامج تصفح الانترنت و الدردشة و هذه البرامج
ع                لا , ان شاء الله مش هنسيب برنامج غير لما اعطيك برنامج بديل له
                   خلينا نبدأ بنظام التشغيل و ساعطيك نسخ لينكس
ب                بس لينكس ده وحش
ع                وحش في ايه
ب                خد عندك
                        صعب الاستخدام  
                        لا يدعم العربي
                        التنصيب صعب و يغير نوع التقسيم FAT
ع                طيب لو اديتك نسخة سهلة و بتدعم عربي وكمان فيه نسخ واجهتها عربي و الشغل عليها سهل و التثبيت على نفس التقسيم القديم ؟؟0 و فيه نسخة تعمل من مشغل الاسطوانات بدون تثبيت على الهارد اذا كنت ما زلت مترددا في تثبيته
ب                لا مش معقول
ع                لا و بالاضافة لكده مجاني  و حر و يمكن تثبيته على اي عدد من الاجهزة و اعطائه لزملائك بدون مشاكل قانونية او حرمانية
ب                يعني اية حر ؟؟؟
ع                انت حر تستخدم البرنامج على اي عدد من الاجهزة
                   حر في توزيعة على اصدقائك
                   حر تطور في البرنامج و تغير شفرة الكود
                   عدم احتكار البرامج في دولة معينة


ب                مش ممكن تكون حيله لحد ما الناس تستخدمة و بعد ذلك يتم بيعة بسعر كبير بعد ما الناس اتعودت عليه
ع                لا يمكن , هذا الكلام يمكن ان يصح مع البرامج المجانية و المشاركة , اما  لينكس و جميع البرامج التى سأخبرك بها برامج حرة المصدر , بمعنى ان المبرمج يعطيك شفرة الكود لتتطور فيه و تتاكد انه لا يوجد ملف تجسس و اذا اغلقة فمعك شفره الكود لتتطوره كما تحب
ب                انت عايز تقنعني ان المبرمج سايب الكود الذي تعب فيه و سهر الاسابيع لكتابته لكل من هب و دب ؟؟
ع                نعم بشرط الا تقوم بغلقة بعد الاضافة عليه و هى فلسفة جميلة يوجد الملايين مقتنعين بها و انا واحد مهم ابرمج تحت ترخيص البرامج الحره المسمى COPYLIFT
لأن المبرمج لم يبدأ من الصفر و انما استفاد من جميع العلماء الذين سبقوه مثل الخوارزمي و شخصيا استفدت من المهندس تركي العسيري الذي كان يترك شفرة الكود و يشرح لنا البرمجة باسلوب سهل مجاني ربما قبل ظهور البرمجيات المفتوحة لان ديننا يحث على عدم الاحتكار و نتيجة للاحتكار تجد عشات الشركات تصرف عشرات المليارات في نفس البحث و مثال لهذا شركات الادوية
ج                طيب و المبرمج بيكسب ايه ||
ع                بداية انه يفعل ما هو مقتنع به
ج                لا من الناحية المادية
ع                ليس معنى هذا انه لا يبيع البرنامج بل يبيعه و لكن بسعر مخفض و لا يحتكر الكود
                   و يستفاد من تطوير المبرمجين الذين يتعلموا من الكود المفتوح و يضيفون علي البرنامج فكل واحد بيستفيد من الاف المبرمجين الاخرين
                   و يكسب من الدعم الفني و من تخصيص البرنامج لشركة معينه لها ظروف خاصة
                   و من التدريب و الصيانة
ا                  خلينا في المهم : انا عاوز دلوقت نسخة لينكس
ع                حاضر ساعطيك نسخة لينكس مناسبة للمكاتب الرسومية
أ                  كيف ؟؟
ع                نسخة بها برامج خاصة بالرسم ثنائي الابعاد و ثلاثي الابعاد و هذا نظرا لان البرامج مفتوحة المصدر فكل شخص يطور حسب ما يناسبة فتجد نسخة للدكاترة و نسخة للطلبة و نسخة للالعاب و نسخة للمهندسين ليس مثل النسخ التى يلعب بها بعض الشباب و يضيف كام برنامج و يكتب اسمه
لا النسخة مخصصة للتعامل مع الرسومات او مخصصة للالعاب
ا                  طيب و باقي البرامج
ع                بالنسبة للبرامج التى تستخدم في الرسم العادي هناك gimp , cinelerra , filmgim[

و بالنسبة للرسم ثلاثي الابعاد ستجد blender

ا                  يعنى اي برنامج عندك البديل له
ع                اذكر لي اسم البرنامج و اذكر لك اسم البديل في لينكس و في نظام التشغيل الذي تعودت عليه

أ                  برامج المكتب للكتابة و الحسابات
ع                فيه برنامج ال open office   من شركة sun  و به امكانيات اكبر من مجموعة البرامج التى عملت عليها بالاضافة الى وجود برامج كتابة متخصصة مثل  kword و abiword
و هناك برامج للجداول مثل kspread , gnumetric
و يمكنك الحفظ بامتداد البرنامج الاخر اذا كنت سترسله لشخص خارج شركتك

ا                  متصفح للانترنت       
ع                هناك FIREFOX   ,MOZILA,
ا                  طيب برنامج لعرض الصور     
ع                quick show
ا                  تشغيل ملفات الصوت
ع                xmms
ا                  حرق الاسطوانات
ع                k3b
ا                  تحميل برامج من على النترنت
ع                GFTP   ,FREE DOWNLOAD MANAGER,
ا                  جداول مواعيد و ايميل
ع                EGROUP WARE
ب                قواعد بيانات حيث ان قاعدة البيانات بملايين
ع                SQL LEDGER
ب                لغات البرمجة
ع                ستجد لغات و جرب kommander , gambas
ب                و لغات برمجة الانترنت
ع                عندك ال php
ب                برنامج لتصميم صفحات الانترنت
ع                QUANTA
ج                طب بالمره انا عايز برنامج سيرفر للويب
ع                اقوى سيرفر على مستوى العالم و تستخدمة كل الشركات العملاقة حتى المنتجة للبرمجيات المغقلة هو apache
ا                  بس هاحس انى منقطع عن العالم لان اصحابي بيسخدموا النظام القديم و انا بستخدم لينكس فلن اتمكن من المحادثة معهم
ع                من اللي قالك كده ؟؟  في برنامج    هتدخل به على كل حساباتك سواء على الياهو او الجيميل او الهوتميل و بأكثر من حساب و تكلم ل صحابك و من برنامج واحد
و هناك AMSN

ا                  طب بفرض ان هناك برنامج على النظام القديم و اريد العمل على هذا البرنامج و انا استخدم اللينكس
ع                في برامج تجعل البرامج التى تعودت عليها تعمل على نظام لينكس
و برامج اخرى تقوم بالعكس

ع                و هناك برامج كثيرة لم تكن تحلم بها في نظام التشغيل القديم
ب                ازاي انا كنت اجد كل ما اريد في النظام الذي اعمل عليه
ع                لا انت بتسمع عن البرنامج اللي بيعمل الحاجة الفلانية بس هناك برمجيات كثيرة تأتى مع اللينكس مجانا , مثل سيرفرات و ويب سيرفر نظام نشر ديسكتوب و مونتاج للفيديو او الصوت او الصور

أ                  طيب و فيه مشاكل هتحصل ؟ كل شوي اثبت البرنامج
ع                يا باشا برنامج لينكس معروف بثباته و انه لا يسقط بسهولة و لا تؤثر فيه الفيروسات
ب                بالطريقة دي هاستريح منك
ع                و سهل جدا انك تعمل شبكة بين الاجهزة و ايميل سيرفر و سيرفر طباعة و ويب سيرفر

ب                ممكن اسئل سؤال ؟ انا ملاحظ ان عندك برامج كثيرة لشرح برامج غير مفتوحة المصدر
ع                نعم و هذه نقطة احب توضيحها ؟ اننى احترم حقوق الملكية للشركات التى انتجت البرمجيات و عندما استخدم برنامج اشترية و لا اقرصنه
لكن المصلحة تحتم التوجة الى البرمجيات الحرة للخروج من التبعية الاقتصادية و التبعية التكنولوجية


ب                طيب انت عارف ان الفلوس دي اخر حاجة بنتكلم فيها بس عشان الوقت نبتدي من الاخر للاول
حضرتك عايز كام
ع                هو انت قلت طلبوا منك كام ؟؟
ا                  450 الف
ع                طيب معلش ده موقف بيجي كل فين و فين ,  و الواحد لازم يستغلة و انا معروف انى ندل
انا عايز 50 ج
ا                  هو فيه كدا   
ع                فيه كدا و فيه كدا (حركة اشرف عبد الباقي)
ا                  يعني انت وفرت ليا ببساطة 450 الف و وفرت للدولة مليارات
ج                انا قرأت ان السعودية بتشتري برامج ب 7 مليار سنويا
ا                  يعني السعودية بتصدر البترول و تستورد برامج !!!
ج                و الاكثر من كده ان البرمجيات لا تنفذ و كل شوية محتاج تشتري تحديثات و برامج بينما البترول انتهى
ع                البرمجيات مفتوحة المصدر نحتاجها جدا و خاصة في بلادنا النامية كمصر و السودان حيث اننا اما ان نشتري قمح لنأكل و نظل متاخرين تكنولوجيا او نشتري برامج و بلاش الاكل او الحل الامثل الاعتماد على البرمجيات الحره و المهندسين و المبرمجين يبرمجوا برامج ليس من الصفر و انما من القمة من حيث وصلت البرمجيات الحرة
ج                في دول اعتمدت البرمجيات مفتوحة المصدر
ع                كثير منهم البرازيل و استراليا و اسبانيا
و وزارة التعليم في اسبانيا قالت ان كل الاجهزة لديها سيكون عليها لينكس و برامج مفتوحة المصدر
و من ضمن الاسباب لهذا غير الاسباب الاقتصادية الحماية الامنية ان يكون في البرنامج ملف تجسس


ب                طيب و البرامج دي بنفس الكفاءه ؟؟
ع                بس حتى نكون واضحيين اولا ليس معنى انها مفتوحة المصدر و مجانية انها اقل كفاءه , بل العكس فبسبب انها مفتوحة المصدر يتم اكتشاف الاخطاء بسرعة و معالجتها
ثانيا حتى نكون صادقين كل برنامج يجب مقارنته مستقل عن البرامج الاخرى
على سبيل المثال برنامج FIREFOX  اخذ احسن برنامج لا في المتصفحات فقط بل في جميع البرامج


و هناك شركات عملاقة تدعم البرامج مفتوحة المصدر مثل جوجل و sun    و  ibm


أ                  و طيب و هاضطر اشترى اجهزة حديثة لان نظام لينكس يبدو قوى جدا
ع                العجيب ان اقل جهاز عندك في الشركة سيعمل عليه لينكس حتى و لو كان رامات 8 ميجا و بروسيسور بنتيوم 2
                                              
أ                  تتبقى مشكلة تعليم هذه البرامج مع صوبتها
ع                حاليا اعمل على شرح البرامج المنتشرة و المطلوبة و اللذيذ ان الامر لا يحتاج الا تراخيص و مبالغ من الشركات المنتجة لهذه البرامج



ب                رغم اننى لا املك مكتب الا اننى سأبدأ في تعلم البرمجيات الحرة المصدر و ادعو لها ان شاء الله