امجاد يا عرب امجاد
بسم الله
بصوا لو عايزين مصر تتقدم لازم نتخلص من شوية معتقدات
- الاطفال المصريين اذكي اطفال في العالم - بأماره اية ؟؟؟ و اني بحث علمي بيقول كده ؟بيتولد و معاه انبوب اختبار ؟؟ بأماره تف على عمك ؟؟؟؟ الطفل المصري طفل عادي شريط فاضي و احنا بنسجل عليه كاتش كادر ايش قالوله - و حاجات تانية بس دي اخر تفاهه وصلتني
- هنعمل دستور رائع توافقي - الدستور شوية حبر على ورق -الدستور لا يصنع التوافق بل يعكس التوافق -لو التوافق مش موجود و لا افضل دستور لو عجبنا دستور 1997 فى تايلاند و طبقناه مش هيتغير ان الله لا يغير ما بقوم حتى يغيروا ما بانفسهم
- امجاد يا عرب امجاد و المصريين اهما
ده الطريق السهل اللي مبيوصلش لحته , تفضل مكانك الطريق التاني انك تشتغل و تنتج و تعمل صورة حضارية , سنغاورة و اليابان معملوش شعارات , عملت مطارات و اتصالات
- العالم كله بيحاربنا , العالم لو قدر يفكر و يتكتك مش هيتقدم ابدا و برضه مش عايعمل اللي احنا بنعملة في نفسنا
- قطر اخوانية ضد مصر : قطر ارسلت الفلوس قبل فكرة وصول الاخوان للحكم و قالت انها سترسل باقي الفلوس على اجزاء , و ارسلت فلوس بغض النظر عن من يحكم , و ارسلت الفلوس بعد 3 يوليو عادي هي هدية لشعب مصر بغض النظر عن الحاكم , و يحبون مصر و يدعون لها و اكثر الخطباء مصريين و لا تجد احد يسئلك احنا بتأيد مين
- الامارات و السعودية خونة من اسرائيل , ليه ؟؟ لانهم طالبوا بعدم محاكمة مبارك , طيب يا اخي الكريم هناك يحترمون الكبير و عندهم حق , يعني مثلا رجل مثل الشيخ زايد نحمله فوق رؤسنا الله يرحمه , و لو حد عمل عليه ثورة نقف مع الشيخ زايد لانه كان رجلا حكيما يعمل لشعبه , فهم كانوا يتصورون اننا في مصر عملنا ثورة ضد رئيس عادل و محترم و ظالمين له , و قالوا نحترم ارادتكم لكن الرجل كبير في السن و مهما حدث يجب ان يجترم لسنه , يمكننا ان نستضيفه في مكان محترم ما تبقي من عمره مع وعد الا ينخرط في السياسة , لكن للاسف حدث تراشق بالالفاظ النابية بين احداث الاسنان و سخن الاعلامين الكلام و ما فهمه السياسون هناك ان الاخوان هم قادوا المظاهرة ضد مبارك , و انهم يستعدون لنقلها الى دول الخليج و هذا مستحيل عقلا , لان اغلب سكان البلد لا ينتمون لفكر الاخوان و لا لغيرهم , و لا يمكن ان يسير سكان البلد الاصلي وراء مظاهرات يقودها ناس من خارج البلد للاطاحة برئيس او ملك يوفر لهم الامن و الرفاهية , كان يمكن بتوصيل هذا الكلام بطريقة لطيفة ان تهدا الامور بين البلاد لكنا خبراء في صنع المشاكل بين الاخوة
- ما دام فلان قالها يبقي غلط
اتقالت لي قبل سفري من مصر بأيام او اسابيع قليلة , كان فيه قانون ان المجندين لهم حق الانتخاب طب دي كارثة
لانك لازم تقدم ورق باسماء كل اللي هينتخبوا فبتقدم ورق بكل اسماء المجندين الى اي هيئة مدنية اجتماعية ستشرف على الانتخابات ودة ممنوع على مستوي العالم ممنوع اي راجل عسكري ينشر اي تعزية او تهنئة على الجرانين في واحد عمل كتاب عن جيش المانيا في الحرب العالمية الثانية بكل التفاصيل من خلال باب التعزيات
لان العساكر ستنتخب من يريده قائد الجيش فهذا توجية لنصف مليون صوت ممكن لوحدهم يكسبوا رئيس الجمهوية
لانه خلط للسياسة بالعسكرية و هو يفسد العسكرية و السياسة و هو ما تكلم عنه سون تزو من الالف السنين في كتاب فن الحرب و جمال حمدان و الشاذلي
المهم فؤجئت بشخص اخ لي و محترم و مثقف : بيوافق على القانون بكل قوة ؟؟ ازاي يا راجل
هو كدة مدام مضايق الاخوان يبقي انا موافق عليه , غلاسة كده , لو قالوا حاجه صح انا معترض
كل يأخذ منه و يرد انا اتعلمت من اخوان و مسيحين و علمانين و اناركيين و ملحدين
لما بقالي واحد عنده كلمه بروح اتعلمها منه و استخلصها بغض النظر ميله اية او ارائه اية ربنا يحاسنا كلنا يوم القيامة
الغزالي في كتاب احياء علوم الدين يقول ما معناة :لو اننا مجموعة من العلماء في غرفة و نبحث عن مفتاح و جاء طفل صغير و قال ها هو المفتاح , هل نقول له ضعه مكانه يا غبي , لازم اللي يلاقية واحد من العلماء مش طفل , اقبل المعلومه من اي شخص و لو الشيطان لوسفير بلعزبول
- التاريخ بيكرر نفسه : احنا اللي نكرر نفس التصرف الخطأ تجاه نفس الاحداث . طب ليه ؟؟ مانت عارف انه هيفشلك , التاريخ بياخد نفس الكلام كوبي بيست و هو بيتف علينا
-
- لا حرية لاعداء الحرية : لا ديمقراطية لاعداء الديمقراطية : ده كلام فارغ لتكون ديكتاتور بملابس جميلة , الحرية حق مكتسب و من يخالفة او يسئ استخدامه يحقق معه بالقانون و امام قاضي عدل طبيعي و لييس حاكم عسكري : قتله الرئيس السادات رحمه الله اتحاكموا محاكمة عادلة بشهادة الجميع رغم الاوضاع الامنية التى كانت تمر بها البلاد
- المظاهرات لوحدها ممكن تغير حاجه : هننزل يوم الجمعه في ذكري كذا : مظاهرات يناير لم تكن لتغير شئ لولا ارادة الله ثم ما حدث في القصر و حكاه عبد اللطيف المنياوي في مذكراته و مظاهرات 30 يونيو لو تكن لتغير شيئا لولا ارادة الله ثم ما حدث من الفريق السيسي : لازم تغير و يكون في عنصر جديد في الصورة اما النزول بنفس الشكل كل مره دون تغير و في انتظار تغير ؟؟
- الثورة فشلت : بكل ما درسته ف السياسة , رحت اخذت كورسات قبل ما اتكلم , اقول ان كل اهداف الثورة تقريبا لم تتحقق, عيش حرية عدالة اجتماعية , لكن مازالت الامور لم تستقر , يمكن ان يفيق شعبنا الحبيب و يدير الكفه بحرفيه الى النجاح , هناك ثورات كالثورة الفرنسية ظلت سنوات طويلة الامور مضطربه و انصار الملك يقهقهون في بريطانيا سخريه من الثورة و سبحان الله و قفت فرنسا بعد هذا على قدميها
هناك مئات الاشياء التى يجب ان نعيد التفكير بها في السياسة و الاقتصاد و كل شئ بس واحدة واحدة
تعليقات
إرسال تعليق