سئلتني اجمل حورية
سئلتني اجمل حورية
و نحن في نزهه خلوية
عن القضية المصرية
كيف و نحن اقدم مدينة حضارية
نكون اسؤ مدينة عصرية
ينام شعبنا بسبب حظر التجوال
من العصرية
و يشكو من العصر و العصرية
و دكتور في كلية هندسية
يشكو المنية
و عقود عمره الثمانية
يوضع في زنزانة ثلجية
يقضى حاجته في قصرية
سئلتني اسئلة خفية
فاجبتها باجوبة شقية
اتسئلى عمن جاع
و عمن باع
و عمن ضاع
دعيني اكثر من الاسترجاع
و لاذكر ما قاله مؤسس علم الاجتماع
في مقدمته الغاية في الامتاع
فرغم ما مر من سنون
على وفاه بن خلدون
فكلامه ذو شجون
يفسر ما نحن فيه من جنون
بقوله ان شعوب شمال افريقيا
يغلب على طبعها الجو الحار
فلا تلتزم اذا سمعت اشاعة بالوقار
بل تصيح بالتار التار
و لا يطلع نهار
الا و قد اطحنا بالاخيار
و علم اعدائنا بالاخبار
فلعبوا عبر الديار
فتكون جالسا في الدار
فيأتيك احد الصغار
ليخبرك ان جارك اشعل في دار عبادتك النار
فلا تذهب الى دار عبادتك لتري الاخبار
او لتطفئ النار
بل تذهب الى جارك و تحيه بضرب النار
و تشتعل النار
انت من الاحرار
برئ من فعلك المسيح و المختار
كرر الاخبار في...
فتنة طائفية
عملاء ابريلية
حماسية
خلية اخوانية
و انتصرنا في خمسة و عشرين
عشان كنا متحدين و مكشوفين
فشفنا ان قلبنا ابيض
و كلنا من طين
و كلنا شايلين
عشان بلادنا الطين
نمنا في الشوارع
في عز الشتا مدفيين
على فكرة
قمنا بميت مظاهرة قبل دي
بس دي نجحت عشان كان فيه أمل
كان فيه نموذج في تونس اتعمل
فعرفنا اننا نقدر و لم نذل
اسودا نواجه الرعب ان الرعب تجرء و نزل
الشعب عرف كيف يعمل ثورة ثم ما بعد هذا قد جهل
كعريس استمتع بالخطوبة و زهد في شهر العسل
جيفارا حارب و لما اصبح وزيرا اصابة الكسل
تسئليني عن رابعه
رابعه ميدان
مات فيها الانسان
مات فيها الانسان اللي ماسك قناصة
مات منه احساسه
لما قتل بنت بلده برصاصة
مات بكل خساسة
ازاي يا خوي
يا بن امي و ابوي
تقتل اختنا و تقول ما تعرفشي
عملولك غسيل مخ متنكرشي
جابولك رجل دين
قالك ما دام خرجوا في الشارع
يبقوا خوارج و انت للكلام ما تفهمشي
دمهم حلال روح يا جندي امشي
افتي المفتي بان دمهم حلال
فتاوي الملوك ماتقبلشي
شفت البنية يهودية
و لو يهودية مسالمه ما تضربشي
مادامت ما هددتكشي
ما تضربشي
ما مشفتش وشها شبه وشك شبه وشي ؟؟؟
رفعت السلاح و السلاح محشي
خلص رصاص بندقيتك هات كمان واحشي
قتلت ابوك و امك و اخوك و اختك
بس بن اخوك لسه ما متشي
سامع بتقولي ما تزعليقيش و لا تلمشي
لوم رجال الدين اللي الدما ما تحرمشي
فهموني انهم شياطين غيرهم ما اضربشي
خلوني اشوف اخويا شيطان ازاي ما اعرفشي
نوموني مغنطيسي و لو فهمومني
اني عميل صهيوني كنت ضربت نفسي بالاباتشي
اما مين رئيس مصر القادم
فعلى كل الاحوال
فلن يرشح نفسه
بل سيرشحة اصحاب الاموال
و سيكثروا من دعمة و من الاحتيال
فلو كنت من المتذكرين
ان الانتخابات الماضية كان رجال الاعلام محتارين
منتظرين الاوامر من اصحاب الملايين
خالد علي ام حمدين ؟؟؟
و لما جائت الاوامر بحمدين
ركنوا خالد علي على الرف
و حملوا على الاكتاف حمدين فرحين
مهللين
و لو كانوا لخالد مختارين
لربما فاز عل الاخرين
فهو مناضل و امين
اما سر حازم ابو اسماعيل
ففي مقدمة بن خلدون السر الدفين
البلاد العربية يسيرها رجل ذو نسب او دين
و الشيخ حازم كان رجل علم و دين
استضافة الاعلام مستهزين
فردهم خائبين
يا ام الحنية
انا حبيبك
انا اللي شلت على ضهري انابيبك
انا اللي فرحت في زعابيبك
ليه تسيبي علي قريبك
دانت لو فيه ازمة بجيلك
اشيل عنك
لا عمري يوم انضميت لحزب و لا جماعة
و لا عمري يوم كلت و سبت اخواتي في مجاعة
و لا عمري يوم طلبت منصب و لا زعامه
انا زاهد انا ناسك
انا خدامك و كناسك
عمليني زي ما بتعملي ناسك
في بيتي أويت المسيح
و اويت اتباعة
لا عمري يوم طالب اكون امام
بس وقت الخطر بتلقيني قدام
وقت الغنايم سيبيني انام
و حقي لاخواتي
حياتهم فداها حياتي
فاكره يوم العيد
كل عيد
لما اشيل شنط في كل ايد
و الف و معايا الشباب السنية
على العائلات اللي مستنية
هدية العيد و بسمه جنية
و تقريبا كلهم معهمش بطايق انتخابية
اتهمتيني انها رشاوي مالية
و رب البرية
دي كانت هدية
خالصه لذاته العليا
و عارفه اني خدامك يوماتي
و خدمتك شرف
ليه تسبيني اموت و تقولي بلا قرف
ليه يتقتل شاب عشان لحية
تقولش عقربة صاحية
داخل يساعد الناس في بنزينه
امسك بن الذين.....
ليه تضرب منتقبة ؟؟؟
و يشد منها النقاب
على أيد شباب
كانوا بيقفوا على الناصية
بيعاكسوا اي واحدة مقصرة الثياب
و اي واحدة لابسه حجاب
يتكسفوا منها و يبصوا بعيد
للارض او للسحاب
ملعون ابوها السياسة لو كانت كدة
و من الابتدا
انا اللي غلطان
يلا يا سلفي و يا اخوان
و مسيحي و ابريلي
و ليبرالي و كل الالوان
تعالي متخافيش
معنديش انتقام
عندي سلام
تعال نبني الاوطان
عشان كل غلبان
و كل فقير جعان
تعليقات
إرسال تعليق