بحبك
بحبك حب فوق الوصف
بحبك و حنا في الميدان واقفين صف
و احنا في المسجد و الامام بيقرا سوره الصف
بس ليه بتترعبي لما برفع الكف ؟؟
ليه مرعوبة لو رفعت ايدي لقدام
و تنيت صباع الابهام
ليه توجهي لي اتهام
و اعتقال و حبس و اعدام
لو كنت تنيت تالت صابع
كنت بقيت واد صايع
واد ضايع
يعني من الاخر
كنت تاجرمطلوب معاه احلي البضايع
ليه تسجني بن عمي
اللي دمه دمي
و لونه لوني
عشان مدرس و بيسألوه
عندك الحصه الكام
قال لهم الرابعه
افتكروا قصده رابعه
لقي ضباط الجيش
سابوا العريش
و تجار الحشيش
و خدوه على فين ؟؟ ما ادريش
فين الحرز ؟؟ مفيش
فمتزعليش
لو يوم ندهتي و مجوبتكيش
متزعليش
غصب عني فمتزعليش
رابعه كنتي فكراها
رقاصه تكشف المستور
و تغني للحنطور
فقلتي تكتب الدستور
طلعت زاهدة
بينها و بين الخلق ستور
صوفيه و متبحرة في العلم بحور
ما تعرف من العطور
غير البخور
فعلى طول اتهمتيها ب ار بي جي RPJ و ساطور
و اديتي التحية للي واقف مخمور
و سئلتك عن رئيسك
قلت عبد للمأمور
الاسم منصور
و الحكم طرطور
و الذنب لو دعارة يبقي الذنب مغفور
و لو بالونة يبقي سنين و شهور
و خلي بالك يا نجاتي لتقع في المحظور
تعليقات
إرسال تعليق