استيكة

رحت مول اسمه العالم الجديد في قطر و اشتريت منه استيكة



الاستيكة قكرتني

باستيكة مبارك

http://www.ahram.org.eg/Archive/2002/9/19/Inve3.htm





عملوا لها اوبريت

و تابلت مرسي



طلعوا فيه القطط الفطسانه





صح  3 يوليو ماشية على نفس خطوات ثورة يناير

باستيكة





زيِّنوا أبواب الفبريكة
بالأنوار ، واعزفوا مزيكة
قولوا لكل الناس فى الدنيا
إحنا اللى صنعنا الأستيكة

أول أستيكة مصرية
لا شرقية ولا غربية
ناعمة قوى وكلّها حِنِّيّة
بين أساتيك الدنيا مليكة

طول عمرنا واحنا بنتباهى
ببناية الأهرام إياها
ومفيش إنجاز تانى تلاها
غير إنجاز صُتع الأستيكة

واخدين بيها علامة (الأيزو)
تمسح أى كلام مش عايزه
ولو الحبر يكون فى قزايزه
يهرب منها يقول : يا فاكيكا

أستيكة بتمسح بعناية
وتخلى الورقاية مراية
من غير ما تسيب أى بقايا
لا على هدومك ولا فى إديكا

افرحوا يا ولاد مصر وغنوا
وبأستيكة بابا اتهنوا
بابا الملهم توج فنه
بأدق وأروع أنتيكة

كنا زمان بنغنى با تيفه
(احنا اللى خرمنا التعريفة)
بس بقينا خلاص حريفة
ونافستا أوروبا وأمريكا

كنا زمان بنغنى يا كوكو
(احنا اللى دهنّا الهوا دوكو)
ادعوا بقى لعمكو ولابوكو
روّاد جيل صُنع الأستيكة

رابط الخبر الأصلي:

http://www.ahram.org.eg/Archive/2002/9/19/Inve3.htm