driving licence

هناك نظريه  (يتناسب تطور الدولة تناسبا طرديا مع صعوبة استخراج رخصة السواقة)

فهناك دول ممكن تلاقي واحد جايب لك رخصة السواقة هدية عيد ملادك او مجاملة بدون ان تعرف او تتعلم  تسوق ( نظرية : لا توجد علاقة بين معرفتك بالسواقة و بين الرخصة : دي حمادة و دي حمادة تاني خالص )

قريب علي مثلا عرف اني عايز اتعلم سواقة و اخد الرخصة , فبدون ما يقول لي اتي لي بشهادة طبية ان نظري 6/6 و اني بشوف اللي ورا الحيطان زي سوبر مان رغم اني لابس نضارة !!!

دوله عربية شقيقة العربيات كلها سايقة شمال و واحد جايب عربية يمين زي بريطانيا , لا تناسب الشوارع و لا المدينة و سايق , دخلت المطار كيف ؟؟ لا ادري

اصعب الدول في استخراج الرخصة هي الامارات ثم قطر

المهم الامتحان الذي نجحت فيه كان الساعة 5:30 الفجر ,

اول واحد ركب للامتحان كان هندي و العسكري الذي كان معه بالسيارة جعله يسوق اكثر من دوار و شوارع طويلة

و انا بفكر : انا الدور عليا بعديه : الامتحان هيبقي اروح حدود السعودية و ارجع تاني !!!!!

صديقي الهندي كان يطيع كلام العسكري بالحرف و يقول له حاضر و كان في اذنية تترد اغنية بالاوردي مثل

يا سيدي أمرك.. أمرك يا سيدي

ولأجل خاطرك.. خاطرك يا سيدي

مقدرش أخالفك لإني عارفك..تقدر تحط الحديد في إيدي

اسمع.. اسمع يا سيدي

المهم دخلت كذا دوار منهم دوار كبير و مفروض الف u turn و الشبورة منتشرة مش شايف اخره ,

دخلت الدوار و انا مش شايف فين اخره كنت خايف الدوار يطلع مسدود !!!

الدوار كبير لدرجه خفت اتوه و اخرج من شارع اخر فافترضت ان الدوار متكون من شارعين متقاطعين يبقي لازم اخرج عند رابع شارع في الدوار

اخذت اعد الشوارع متمنيا الا تكون اشاره المجنونة (ايوة فيه اشارة اسمها اشارة المجنونة crazy signal مشهورة و هي عبارة عن 5 شوارع متقاطعين!!)

شارع  اتنين ثلاثة اربعه خمسة سته , المهم اخرج عند رقم يقبل القسمة على اربعه

الحمد لله قال اركن اخيرا فركنت و ركب صديق ثالث

بمجرد وصولنا العسكري

لا هو طويل و لا قصير و لا تخين و لا رفيع بس اهم حاجة بتميزه انه وشه بشوش

بشرنا اني و الهندي ناجحين و و وفر  علينا ساعات من القلق

من شده الفرحه تعانقت انا و صديقي الهندي في الشارع

الحمد لله اننا في دولة عربية و الا كان اتقبض علينا بتهمه غريبة

صديقي الهندي شكله كان بيقول في سره بالاوردي اغنية مثل

وحياة قلبى وافراحه .. وهناه فى مساه وصباحه

ملقيت فرحان فى الدنيا زى الفرحان بنجاحه

كان حلم جميل فى خيالنا .. ومغبش فى يوم عن بالنا

كان حلم جميل فى خيالنا .. ومغبش فى يوم عن بالنا

وبنالنا قصور .. وفرشها زهور

فى حياتنا ومستقبلنا

ولقيتنى فى عز هنايا .. والدنيا فرح ويايا

ولقيتنى فى عز هنايا .. والدنيا فرح ويايا

بتهنى حبايبى معايا .. وتقول للكل ارتاحوااااا

طيب انا كنت بقول اية ؟؟؟

انا معرفش اغاني :) !!!!

ذهبت لاستخراج الرخصة الموظفة لاحظت ان شكلي اتغير كثير من ساعة ما قدمت في المدرسة الي ان نجحت

تلقيت التهنئات من اصدقئك على الشبكة الاجتماعية   Omar Selim  21 hrs

·