مبارك عليكم
مبارك عليكم
بدعي ربنا يهديكم
و يشيل الغمامة من عنيكم
ثورتكو اللي في ايدكم
صدقتوا عدويكم
و كذابيكم
و رميتوها من ايديكم
و منين اجيب ناس
لمعناة الوطن عارفين
كل ما اقول مصر
يقولي اللي بدأ مين
عيال صغيرين
بلدنا بتتحرق
و بنسأل اللي غلطان فين
امهاتنا بتغتصب
و احنا لسه مختلفين
لينا سنين
شيع و مختلفين
و يوم خمسة و عشرين
كام يوم اتوحدنا شيلنا التخين
بعديها بساعتين اختلفنا
على التورتة نجيبها منين
بقيينا متفريقن
رجع التخين
و كل ما اقول غلط
يروح يجيبلي فيديو
و التاني يجيب فيديو ضدوا
مختلفين على اية ما خلاص
مش سمعين صوت الرصاص
و لا شامين ريحة الرصاص
و لا حاسين بالرصاص
مشغولين بالتريقة و الكلام عن القصاص
مبارك عليكم
و فوقيكم
و مدلدل رجله عليكم
عشان مش متحدين
قلنا احنا اخين
اتاريكم قصدكم
اولاد ادم الاتنين
مبارك عليكم
في وسطيكم
احنا اللي وسعنا له مكان
باختلافنا بقى له مكان
و خد الامان
مبارك عليكم
ربتا الصحة يديكم
و يقويكم
نام و استراح
اللي راح راح
ما تبقيش على اللبن المسكوب
و لا تدور على الثقوب
فينا كل العيوب
مبارك عليكم
ما انا قلت لك اقف جنب اخوك
جلتي دة اتجاة تاني
و لما تزنق تبكي
و تقول عيل و سابنى و رماني
حزني عليكي يا بلد هو اللي عياني
مش وقت مين اللي باع و مين اشتري
و مين غلبان و مين افتري
مش وقت برفان و احنا غرقانين في ال...........
مبارك عليكم
خبر خلاني سبت البلد و رحت بلد تاني
لحسن الاقي اخويا هو سجاني
مبارك عليكم
اسف
فخامة الرئيس عليكم
فعلا فخامة الرئيس
الخسيس
لما اختلفنا بقي رئيس
لما سمعنا اديب و لميس
و شلنا اللي اخترناة رئيس
رجع فخامة الخسيس
بس تحت الاقامة الجبرية
حراسة متحركة
حراسة خاصة مجانية
مبارك عليكم
امن الدولة من تاني
يعني كهربا مجاني
و زهقان في البيت
يكسر عليك عليك باب البيت
و ياخدك يفسحك مجاني
مبارك عليكم
رجع بايدكم
فرجتوا العالم عليكم
مبارك عليكم
قف يا تاريخ و اضرب لمصر تعظيما
وقف التاريخ لقي نصرنا حطيما
قف و بص للمصريين متحدين
على ما بص كنا فرق و منقسمين
وقف التاريخ
و كان عايز يتف
بس كان ريقة ناشف
تعليقات
إرسال تعليق