فرحانة و زعلانة

فرحانة و زعلانة





فرحانة عشان سيبتك

و لا زعلانة ان انا اللي سيبتك

و لا انت زعلانه اني سيبتك

و فرحانه انها جت مني اني سيبتك

يوم ما سبتك قلبي انجرح

و انت عملتي فرح

و عملتي ميتم و لبستى طرح

مين اللي ساب التاني

و مين خلى الاماني

خيال و اغاني

بتصل عليكي و مبترديش

و بسئل عليكي و مبتسليش

زعلاني مني لية ؟؟ هو انت ما بتحسيش

محستيش بكل خنجر جة في جنبي

و لا كل طلقة رصاص جت للي جانبي

و انا ما مشتشي

انت اللي كرشتيني

و غسلتيني

و رشتني

و قولتي لي لو عايز تقعد في البيت

اقتل اخوك

انا سجنت ابوك

ازاي اعيش في بيت كله انقلاب

النجفة في الارض

و السقف فيه السرير و الدولاب

و اخواتي بيقولوا يا غبي مش انقلاب

و لو اعترضت يسيبوا عليا الكلاب

تنهش في لحمي

مش عارف اخواتي مالهم

مالي فدا مالهم

روحي فدا روحهم

قالوا عليا وهابي

و ارهابي

و اخواني

عشان لما المزة عدت ما بصيت

قالوا اتعميت ؟

و لما سمعت الاذان قمت صليت

قالوا خلية نايمة

و للصلب استحقيت 

ياللي اويتي المسيح 

و شفي فيكي الاعمي و الكسيح

ليه عايزة ترميني للتماسيح

خلاص سيبيني اسيح

و انا ما مروحتش بعيد عنك

انا عند اختك قمر

لقيت عندها اللي مفتقدة من زمان

الامن و الامان

و كل يوم اسئل عنك الريح

عن اي خبر مليح

يرد الريح و هو مكسوف جريح

كل اخبارها تجاريح

فاقعد ابكي

خلاص يا ريح

لا تهبي عليا

الا بخبر حلو عن الصبية

سابتني و هي بتمشي

بصت لعنيا  لعينيا و رمشي

و قالت هتوحشني .

بيني و بينك ذكريات عمري ما انساها

لسه فاكر مشينا على الكورنيش

و ضحتنا على واحد شعره كرانيش

عشنا مع بعض حرافيش

وسط الغيطان و البوم و الخفافيش

و كنت بعيش ملك حتى لو ما معيش

 عارف هتقولي عليا اية ؟؟

جبان

و جربان

و عميل  للامريكان

و السعودية و ايران

و انا مش ضعيف

و لا موقفي ضعيف

و لا محتاج ادافع عن نفسي

نفسي اقولك كلمتين في نفسي

بحبك يا بلد





تعليقات

المشاركات الشائعة