كفاية

الشاي كان دلع

ما يتبلع

طلبت معلقة سكر

حطلي في الكوباية

معلقة سكر

معلقتين سكر

يا سيدي تشكر

خلاص بقيت كوباية سكر



شوال سكر

في كوباية شاي اصلا مسكر

خلاص كفاية

السكر طفح على الصنية و العباية

بصلي من فوق لتحت و استنكر

مش انت اللي طلبت السكر

خلاص هاجيب لك العسكر

يا ريتني شربتها دلعه

و الحرية اللي حلمت بيها

و حلمت بيوم الاقيها

تدفيفي و ادفيها

صحيت لقيتها ولعه

و اللمه مع مليون

من كل صنف و لون

و كل واحد برأيه مجنون

كأنه نيرون

بيردد كلام سمعه من التلفزيون

تلاقي نفسك قدام نابليون

بيشرع القانون

تبقى اللمه وحشه

و كتر الحلو وحشه

كفاية

الحركة المصرية

من اجل التغيير

حركة جميلة هدفها الخير

شكرا و كفاية كفاية



و نبدأ التعمير



يا شعب صقف العالم له لما ثار

و لاخاف من ظالم و لاجبار

يا شعب أدفي من ضرب النار

نفسي يسقفوا  لنا لما نبني منار