انجلياربيهندي

ايوة زي ما قريتها كدا

انجليزي عربي هندي

على شوية بنجلاديش و سريلانكي و كل الجنسيات و كل اللغات



في مصر كنا بنقابل ناس من جنسيات مختلفة

الشرقية - المنوفية - الفيوم -

كبيرها قوي المنيا



في قطر و الخليج   طول الوقت تقابل اشخاص من مختلف الجنسيات

و يتكلموا لغات مختلفة

لكن اللغة المشتركة الانجلزي

و لو مسلم هتلاقي عربي لانها لغة القران



دخلت منذ دقائق سوبر ماركت هندي فاشتريت الاشياء الا العيش

فذهبت للبائع و قلت له

where's the bread

عمل نفسه من بنها (بنها اية ده من الهند )

bread   و اشاور له بيدي bread

فقال لي بعد تركيز" أبز"

"أبز" يعني اية ؟؟

اه طلع قصده خبز

خبز خبز بس ناكل

حطها عندك يا ريس في القاموس

اخذتها و طلعت الفندق عقبال املتك

جيت اعمل نسكافية في الغلاية تذكرت لا يوجد سكر

نزلت لسوبر ماركت قريب صاحبه من جنسية اسيويه

اخذت انظر في الرفوف لم الاحظ السكر

قال لي البائع بالانجليزي ماذا تريد

sugar

نظر لي بعيون زجاجية تدل اني قتل شئ غير مفهوم

كررت الكلمة و كأني لما هاكررها هيفهما

في النهاية قلت لنفسي

سكر

قال لي البائع اه سكر

و اشار بيده لمكان السكر

اه ده يا جدع

داحنا عباقرة في اللغات و من غير مدارس كمان