الاولي لا و التانية لا و التالتة لا

الاولي لا و التانية لا و التالتة لا

الاولي لا و قالوا تونسي و نفوه

و التانية لا و قالوا فلسطيني و طردوه

و الثالثة لا و قالوا جوجلي و هاجموه

---

الاول بيرم شاعر العامية

مولود هو و ابوه و جده في اسكندرية

و غني  للفلاح و العامل و للولية

و لما اتكلم عن الحاكم , سحبوا منه الجنسية



-

و التاني تميم البرغوثي

دكتور في العلوم السياسية

و امه رضوي عاشور المصرية

ولدته على ارض مصرية

مرضوش يدوله الجنسية

-

و الثالث وائل غنيم

ابوة و امه مصريين

لكنه عمل صفحة على الفيس ضد القاتلين

فاصبح من المخرجين

-

الاول منفي

و التاني منفي

و الثالث منفي

الاول عرابي

و الثاني البارودي

و الثالث الشاذلي

-

الاولي اه

و الثانية اه

و الثالثة اه

الاولي رقاصة و الثانية رقاصة و الثالثة رقاصة

الاولي رقاصة خدت الجنسية

و الثانية الام المثالية

و الثالثة تدينا دروس دين و انسانية

اهم حاجة الليونة و الشفافية

-

الاول اعدام

و الثاني اعدام

و الثالث اعدام

الاول جمال عبد الهادي

فوق السبعين

قابلته من سنين

في جنازه تاج الدين

لمست عباءة الشيخ

فانطبع علي يدي حروف من التاريخ

لاقيت في الخطوط اخدود

و تاريخ جدود

و ارض محتلة و سدود

لاقيت صلاح الدين

و الحشاشين

و موقعه حطين

و التاني و الثالث و الرابع ووووووو

-

يا توت قوم اثبت فسادك

قبل ما يسحبوا الجنسية منك و من اولادك

-

ليه كل راجل بتدوسي عليه

و كل دكر تبوسي ايدية

و كل متخلف نلاقيه في الفرعين

و كل مثقف في البيت بيغسل المواعين