1الخط و ادارة المشاريع

هاع

هنا الخط و هاشرح لكم اليوم ادارة المشاريع

المشروع Project   يعني مجموعة  مهام  تنفذها في وقت محدد لتحقيق اهداف مخددة

يعني مثلا افتل الواد جيعدع دي المهمة , الوقت المحدد قبل ثلاث ايام و الهدف احقق التار

المشروع لازم

1. يكون هدف محدد  (قتل جيعدع)


2. و وقت محدد


3. موارد محددة  "القناصة "


4. يتكون من خطوات محددة "عاقعد في الذرة - هاستني - هاستني اشرب سيجارة - هاستني - اطخ جيعديع"


5. يكون مرن و ديناميك بتعامل مع الظروف ممكن جيعدع ميجيش اروح له انا (دليفري)

طبعا كل مشروع عملية متفردة بذاتها : عملية ابداع

لا تتكرر

مش كل يوم هاقتل جيعيدع

لو عملية متكرره يبقي خط انتاج

ادارة المشاريع Project Mangement   يعني اسيطر على المشروع و على صبياني و اكلف كل واحد بمهمة واضحة لتنفيذ عملية محددة بدقة

اية الفرق بينها و بين الادارة العادية ؟؟؟ طخ ايوة اللي هيسئل و انا بتكلم هاطخة عيار في نافوخة

الفرق انها  ليها هدف معين و تنتهي بانتهاء الهدف

ممكن نقسمها لاربع مراحل :

1بداية المشروع   فكرة اني اقتل جيعدع    احدد الهدف و مجال المشروع

2 التخطيط باجمع معلومات و انظم

3  التنفيذ

4 انهاء المشروع  نمشي في جنازته

تمام دلوقت فيه مهام كثيرة ممكن ندخلها على برنامج البريمافيرا او msproject   او OpenProj - ProjectLibre 

بندخل المهمة و لازم نحدد وقت البداية و ووقت النهاية

و حتى لا نتوة  في المشروع , ممكن نقسم المشروع الى Activities

نعرف Activity عنصر او مهمة من العمل لها بداية محددة و وقت معين لانهائها , نستطيع ان نقول انه الوحدة الاساسية للمشروع و المشروع لا يكمل الا بانتعاء كل الانشطة

يعني التفاصيل  (شراء رصاص - جمع المعلومات - دفع رشوة للضابط  مش عارف ليه بس هي عادة )

و هناك طريقتان لادارة المشروع

Proactive 

دي طريقة خط الصعيد انه هو اللي بيسيطر على كل شئ و هو اللي يوجه الهدف يمشي من اي طريق
Reactive
دي طريقة اي واحد عادي لسه بيتدي طريقة  مش طريقة الخط

ينتظر اية اللي يحصل و بيعدين يفكر يتصرف كيف , زي  ما حكام مصر بيعملوا كدة , مفيش خطة مستقبلية

المره الجاية هنكمل مع بعض

الى مش هيعمل اشتراك في القائمة البريدية

و يعمل شير

و يبعت تغذية عكسية feedback

هاطخة بالنار

جزمة و قضمها جحش