هدية مصر
قالت لي فين هديتي ؟؟
قلتها : عنيا يا حلوتي
بس فين عديتي ؟؟
ضحكت من غبوتي
ضحكتها ملء الفم
طرشت علي دم
مصر اللي حافظها صم
و عارف خيرها اللي عم
حالها يجيب الغم
و تركب الهم
و انا ابنها اللي بيتقال لي اتفضل يا عم
يشحتوني بطانية و يأمرني اتغطي و نم!!
متقولش ادتنا اية مصر
الحرامية عصروها عصر
يحلبوها من الفجر للعصر
شوف كان فيها اد اي لبن
و موت يا فقير من الحصر
.
انا النيل و انا الازهر
انا العروسة لما تتمخطر
انا اللي مهري مال قارون
لا . اكثر
انا اللي مليت الدنيا افكار
و انا اللي طوعت الحديد و النار
و اللي زرعت الدنيا اشجار
و جملتها بالازهار
انا اللي بصنع الاخبار
و فيا الشيوخ و الرهبان و الاحبار
انا جمالي اللي يخطف الابصار
انا اللي دفعت عنكم الاخطار
انا اللي عمري ما يتحسب بالاعمار
و كل سِنه من سِناني اقمار
انا البيض و انا السمار
انا ام عمر و عمار
انا سحر الشرق و السحار
انا الفخر و الفخار
انا الهرم و انا المنار
و انا اللي كل شبر مزار
انا اللي غني لي عمر و نزار
انا تاج الوقار
في الاخر يركبني حمار !!
يا ام الدنيا
يا حنينة على ولادك
كام من كريم جالك
لبستية تاج من تاجك
و جاه من جاهك
كام من كريم جالك
شريد مطرود
و جالك يوسف النبي
عليه تطبطبي
جالك من فلسطين
كنت زي عادتك تكرمين
و اصبح وزير و امين
و جالك يوسف
جندي في ركاب
اسد الدين
و خرج بعد يومين
و هو صلاح الدين
محرر فلسطين
جالك محمود
عفي سوق العبيد موجود
رقيته ملك محسود
اصبح ملك مقصود
اكرمتي الكرام فتكرمي
ليه النهاردة تحرمي
الكريم خيرك
و تدي خيرك لغيرك
ليه عليا تبطشي
و القرشين تلطشي
تسيبي جثتي و تمشي
و عيني من البكا عليكي ماتنامشي
فيكي خير كثير
يكفي الوحوش و الطير
يموت الوزير
من تخمة الفطير
و تحت رجله يموت الفقير
على الحصير
جلتها يا اما مين ابنك ؟؟
قالت تميم البرغوثي
قلت :الفلطسيني؟؟
قالت غيرة ما يرثيني
و في مرضي يبكيني
يعني ابني اللي باع طيني ؟؟
و نسي تاريخي و سنيني
و سرقني بدل ما يديني ؟؟
يعني ابني اللي من بطني ؟؟
و هو طرد اخواته بالعافية
و طرد امه حافيه
و ملك البيت بالرقص و الرقاص
جايب مذيعين فيران و ابراص
فوق الجامع موقف القناص
و فوق الكنيسة بيضرب الرصاص
يقتل عمرو و الوقاص
فده مش ابني خلاص
ده عاق و عاص
-
يا مصر فين هديتي
مش انت سر عزوتي
و ليكي بس غنوتي
و معاكي سري و ضحكتي !!
و فيكي القي سلوتي
عايز هديتي
اني انام يوم بين اسرتي
و اهدي لوعتي
صعبه امنيتي ...؟؟؟
.
الابنودي الخال
قال : شعبين
شعبين اتنين
الاول بيرقص
امال التاني فين ؟؟
في المعتقل
و لا مقابر الحسين ؟؟؟
.
يا مصر مش عاجبني الحال
مش عجبني القتال
و مش عجبني يتقال
على القتل "مبروك و عقبال "
و رقصه شابه على الدم
جسمها مال
و ميل ام على ولدها و هو بيتشال
.
خلعت لترقص من رجليها النعال
وضعته جنب احد النعال
صاحبه اتقطعت رجله في القتال
.
وضعت الاحمر على شفايفها الجمال
لقيت احمر على الارض وضعته في الحال
لم تعلم انه دم العيال
اللي ماتوا اغتيال
.
رقصت فاشعلت اشباة الرجال
جنوا من شدة الانفعال
اتحزمت بشال
و ارتدت العقال
الشال كان جبيره سيد الرجال
يا شيخ افتيني في السؤال ؟؟
رقصها حرام و لا حلال؟؟
.
رقصت فاهتز الخلخال
صوته شغل الرجال
عن هتك عرض بنت خال
كان اسمها نضال
.
رقصها ذات يمين و شمال
على كعب عال
عليه اللعاب سال
رقصها طال
ساعات طوال
على دم اخت لها سال
فلا تكثر من السؤال
من الاسفل و من العال
فدم الشهيد غال
.
زلزال زلزال
تريد ان ترقص في الحال
لكن الميدان مزدحم
بجثث كالتلال
فجاء قائد بجرافته و ازال
حتى يفسح لرقصتها المجال
,
رقصت فكتب في جسمها مقال
اجاد فيه و اطال
لانه في الاصل طبال
و كل حركات الموتي الابطال
لم تستحق منه مقال
لانه يخاف الاعتقال
يخاف من الحبال
يرقص فوق الحبال
و اجساد الابطال
ترقص تحت الحبال
تتدلي من مشانق طوال
.
كشفت دراعها بان البياض العال
غاظت العزال
رقصت كغزال
سهل المنال
على جثة بيضه مدفونه في الرمال
.
غمزت بعينها فبانت كالهلال
مالت بجسمها الميال
على نغمة الجوال
زلزال زلزال
تسلم االاعمال
اللمة دي لمة عيال
في رابعة ماتوا الرجال
و باقي الرجال
اعتقال
.
رقصت فاهتز البرتقال
فقلوبهم عانت الاشتعال
لم يدركوا السؤال
كيف قنبلة في حجم البرتقال
قتلت خير الرجال ؟
و يتمت العيال؟
.
يا مصر لو فيه احتلال
كنت فهمت اللغز و السؤال ؟؟
كنت قلت ماشي الحال
و انزل احارب في القنال
و بدل ما تقول شعر
اخليكي تغنيني موال
[…] و العرض ايضا […]
ردحذف