خلاص راجع مصر
بقول كفاية غربة و ارجع للديار
ارجع مصر و اشارك في العمار
راجع مصر يا صاحبي مختار
قال لي خلاص بطل أشعار
و خلي بالك في المطار
-انا مش خايف من المطار
المشكلة للأسف في الجار
اللي داره جنب الدار
ما يفصل بينا جدار
عقلي منه حار
كيف الجار
على حقي انا جار؟؟
انا اللي طفيت من بيتك النار
انا اللي عمرت الدمار
انا اللي بحرس بيتك لما تروح مشوار
انا اللي شرحت لك الحديث و الاسفار
انا اللي بنيت معاك الدار
و شلت على ضهري الاحجار
و صورتني و انا متغطي بالغبار
و لما بتعطش كنت لك النيل و البحر و البحار
و لما بتحتاج كنت لك محار
دموعي لؤلؤة في جمالها العقل حار
فديتك في كل زنقة بالجنية و الدينار
على عدوك الجمره و الجمار
انا عمر و انا عمار
قلبي سليم ما فيه انكسار
تصدق التوك شو و الاخبار
و الحب اللي بينا قلبته احتقار
كل مابينا طار
و كل ما بينا إنهار !!!
تردم ما بينا من أنهار !!
اية اللي جري بأختصار
و تصدق ان إمام جامعنا اللي كله وقار
اللي بيكثر الاستغفار
من الكفار ؟؟؟
المسجد للارهاب اوكار ؟؟
و ان ياسر بن عمار
صاحب فتنة بين الاخيار؟؟
و ان بائع الخمر ضارب المزمار
من الابرار؟؟
و اعذب مايه
مايه الابحار؟؟
الغباء عار
يضحك عليك مكار
ازاي إديت ودنك لحمار
ازاي تشوف قنبلة ورا كل خمار !!
و الحاجة يرحمها الغفار
كانت بتلبس خمار
خلاص عقلك طار
تسمح كلام شيخ جاب الدمار
لو امرته بيحلل القمار !!
و النرد على الترابيزة يدار
و يحلل الخمره و الخمار
و باستحباب البار
و بيفتي بقتل عمار !!
لانه لا يستحمي و عليه غبار !!
يسافر ليبيا لعمر المختار
يقول له سيبك من الدمار
و خدلك كام دينار !!!
و تصقف لمستشار
و هو بيحكم بالاعدام على المختار !!
و البراءة لمن سرق المليار
----------------
ليه يا اخويا ليك عندي ثار
دانا ليك خزانه اسرار
و قصتك مع فدوي و منار
سرك معي و انا مش ثرثار
سرك في غار
و ضحكنا على ياسين و الكسار
فاكر لما زرعنا ازهار
و اكلها البط بالنهار
ما ساب غير الصبار
و اكلنا في الفطار
فول بالزيت الحار
في طبق فخار
و لما مكنش معانا تمن الفطار
و رحنا نأكل في حفله زار
و رحنا مع بعض رحله لمزار
و ودعنا ابوك لما سافر و زار
مسجد النبي المختار
و احلامنا لما نبقي كبار
نكون من التجار
و لو فشلنا تسرح بعربية خضار
او نفتح محل فشار
تصدق خبر على النهار؟؟؟
على قنوات الاقمار
تقلب القنوات و غير الكذب ما تختار
يملوا مخك بالافكار
باللت و العجن و التكرار
تبرر القتل و ضرب النار
و رصاص كثير كالامطار
و انت تصقف : زيدوا العيار
و أخوك البار
تطرده من الدار
بكل استهتار
يروح ياخد بيت بالايجار
تبلغ عنه الزوار !!!
ما يهمك اية اللي سار
و لا تروح تشوفه ساعه الاحتضار
و تدي للقاتل أكليل غار
تقولش كلب من التتار !!
عار عليك , انت من الاحرار !!
تبني بينك و بين اولادك اسوار !!
و اللي قتل اخوك يركبك كما الحمار !!
ازاي هذا صار
و ما دمت حبيت الكسر و الانكسار
و شايف في التعذيب و القتل انتصار
و عجبك هذا المسار
خليك مستني رجوعي
و استاني معاهم في المطار
و اوع تمل من الانتظار
----------------
رد الفعلالجميل من ناس جميلة ربنا يحفظهم
رائع حفظك الله .. بس اوعى بجد تكون راجع (:
ردحذفتوصل بالسلامه
ردحذف[…] اية اللي بيحصل في مصر ؟؟!؟!؟! […]
ردحذف