وداعا حبي

هذه الورقة بها ابيات ناقصة . ما هي ؟ لمن كتبها ؟؟ ما المقصود؟؟ لا ادري



بتفكريني لما غمزلتك



و في اللوحة رسمتك



و جه مدور كسفتك



يا كسفتك !!!



غمزت لما دخل في عيني حبه تراب



و كنت برسم ماسورة  و جيرل تراب



انت اللي متعودة على نظرة الاعجاب



في  عيون الشباب



كخليه نحل يطوف حولها الشباب



يلف حولها الذباب



.



رمز الانوثة في شعري ما تغركيش



الضعف و الحب مفيش



كان نفسي بس معنديش



لا اعرف كوز الدرة و لا مشيه الكورنيش



و لا بسافر شرم الشيخ و لا العريش



و في السهوكة ماليش



لو بتدوري على دبدوب



للاسف معنديش



.



حتى لما بكتب البسملة



بتدوري على حروف اسمك في البسملة !!!



انت مش في حياتي



انت عندي مهملة



ملكيش مكان في الجدولة



لا انا فاضي للعشق و لا للوله



و لا لي في الزغاريد و لا الولوله



و تقولي عشان مهر زي حنان



و انا مش مرجان



و لا عايز اكون مرجان



انا قدوتي عثمان



ذو النوران



اشتري الجنتان



فسيبك مني و من الجنان



لعمري يوم وعدت و لا قلت كلمة حنان



و لا قلت عندي حصان



ادهم و له جناحان





صمتت



و رحلت



و سرقت



سرقت فلبي و خدته معاها



قلبي اللي هو قلبي



مشي معاها



لما افترقنا اختار هواها



كنت قاسي



و كنت بأسي



كنت بشري السم في كأسي



و كنت بقطع بفاسي



رأسي



و كنت هادي و راسي



من بره



بس من جوه .....



نار متفجرة



عذرا يا من لم احب سواكي



و لم اري عيونا في الصحراء سوى  عيناكي



اهوي عينيكي و اهواكي



و ابيع روحي اللي شرياكي



لكن طريقي شوك و كلي فداكي



طريقي متكسر



و كله عسكر



فين اللصوص , عليكوا بتحسر



كانت ايامكم سكر



و ايو جهل حتى لما كان بيسكر



عمره ما باب حرمه يكسر



عشقي بيتكسر



مكانش ينفع اقولك حبيتك



ابقي وديتك في النار و رميتك



عاملت نفسي قاسي و فديتك



و لبست لك الوش الخشب



---



لو علمتي ما امامي من فتن



سجن و معتقل هما السكن



و بدله العرس الكفن



لرق قلبك لصحبتي في المحن



ازهد بكي عن دخول العفن



سيدنا الحسن



سيدا مؤتمن



ترك الرئاسة لجنات عدن



اه من الشجن



----------



سيبتك و قلت هتتعدل بعد يومين



لسه كمان اربع سنين



في اربع سنين



سيبتك و قلبي حزين



و اتعمد اخليكي تكرهيني



افدي الورد و الياسمين



و افدي بكل قطرة في الشرايين



شفايفك و العينين



و افديكي بجسمي من البراكين



و افديكي بايامي الباقيين



و اخاف على حبنا من المخبرين



بيقبضوا على كل عصفورين



تجمع مشبوه فيها سنين



كل الاحرار مساجين



كل الاميرات مأسورين



بتهمة البلالين



__



الحب الشريف في بلادنا نجاسة



و انت مش حاسة



ليله العمر للساسة



لاهل السياسة



قمنا بثوره و قطعنا للثعبان ذيله



و فرحنا بالرقص و بالمياصة



نموت في  الهياصة



و تركنا للثعبان  رأسه



الثعبان بث سمة



حقدة و احساسة



فادار كل منا فاسة



على ناسه



هدمنا من الصنم دهانه



و تركنا اساسة



-----



و العدالة بنت ترقص بميالة



تاخذ الرجل من عياله



نمرود هو مسؤول العدالة



و فرعون و ابو جهل عماله



فلا تطمعي ان يتحسن حاله



او ان تتغير احكامه



كل زمايله نخاله



ان جائه برئ للمفتي احالة



لا تسئلي عن الدم الذي اساله



و ان وقف امامه قاتل زبالة



ضرب التحية له : عاش الرجاله



اصل كلهم اعمامه و اخواله



و النمرود عنده اصاله



اسمعي قولي في عجالة :



لا تنتظري من الظلم استقاله



--------



يعرفون  عني و عن اسم بنت خال  العم



اكثر مما يعرفون عن  العم سام



يتجسسون على كل مثقف و عام



الا سفارة اسرائيل , التجسس حرام



ليس هدفهم حماية الدولة بل الحكام



تتجسس على نومي و على الاحلام



اخاف ان يصوركي في الاحلام



اخاف ان يضموا الابتسام



الى عريضة الاتهام



ضربهم تحت الحزام



كلاب بلا لجام



يسوقون الاعلام كالانعام



-



مره عربيتي اتسرقت



رحت شكيت



ياريتني ما رحت يا ريت



ضربوني و اتغميت



غموني و اتغميت



انطق يا تيت تيت



بالتعذيب حكيت



عن روميو و جوليت



عن عنتر حامي البيت



لما شالوا الغمامة لقيت



روميو و جوليت



و عنتر و عبلة



اهلا روميو جاسوس السوفيت



اهلا عنتر انت جيت؟؟



الجمعه اللي فاتت



ورا مين صليت ؟؟



يعني اية  مبتصليش ؟؟



للكذب ابتديت



شايفني غبي و الا اتغبيت



الميكروفيلم فين خبيت



اكتب يا بني ,



جاسوس مخبي 100 جمل في السويت



انا اتشليت



.



حتى  الببغان



ردد بعض قصائدي



عجبته الالحان



ضربوا راسه في الحيطان



و ضروا عليه رصاصتان



و في التقرير الشرعي :



انتحر الجبان



.



بلاش تلوميني بعيونك اللولي



بيسجنوا اللولي



بلاش تبتسمي فتزودي النور



النور عميل بينقل اللي تقولي



بلاش تبصي بعيونك الحوري



علو الصوت لو هتغني



و طي الصوت لو هتصلي



كلمة الحب اوعي تقولي



بيراقبوا النت فالعنيني



و اشتميني



و سبيني



كفاية انك تشتاقي لي



بكرة لما البلد تبتسم



تبقي لي

تعليقات

المشاركات الشائعة